Wikipédia:Artikel pilihan/2010 09
Serbia utawa resminé Republik Serbia (basa Serbia: Република Србија utawa Republika Srbija) yakuwi negara republik ing kidul-wétan lan pusat Eropah. Serbia wewatesan karo negara Hongaria ing sisih lor; Rumania lan Bulgaria ing sisih wétan; Republik Makedonia lan Albania ing sisih kidul; lan Montenegro, Kroasia, lan Bosnia-Herzegovina ing sisih kulon.
Asal mulané negara Serbia wiwit saka pratengahan abad kaping 9. Karajan Serbia muncul ing abad kaping 11, lan ana ing abad kaping 13 owah dadi Kakaisaran Serbia. Sawisé taun 1918, Serbia minangka anggota perintis Yugoslavia kanthi werna-werna jinis (Karajaan Yugoslavia, Republik Federal Sosialis Yugoslavia lan Republik Federal Yugoslavia).
Ana ing tanggal 21 Mei 2006, rakyat Montenegro nganakaké Referendum kanggo Kamardikan Montenegro lan cacah 55,5 persen milih Montenegro mardhika. Sabanjuré negara Uni kuwi pisah manèh dadi negara Republik Serbia lan Republik Montenegro.
Tanggal 17 Februari 2008 Kosovo proklamasi kamardikan saka Serbia, lan tanggal 18 Februari 2008 diakoni déning 17 negara.