Wakidi
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Wakidi (wiyos wonten ing Plaju, Palembang, Sumatra Selatan, 1889 - séda wonten ing Bukittinggi, Sumatra Barat, 1979) [1] punika satunggaling pelukis naturalis saking Indonésia ingkang lukisanipun kathah ngandhut corak Mooi Indie (Hindia molek). Sesarengan kaliyan Abdullah Surio Subroto (bapak saking Basoeki Abdullah) lan Pirngadie (1875 - 1936). Wakidi punika salah satunggal saking tiga pelukis naturalistik Indonésia ingkang kawéntar ing jamanipun. Tiyang sepuhipun asalipun saking Semarang, Jawa Tengah ingkang nyambut damel wonten ing pertambangan lenga Plaju [2].
Karir
[besut | besut sumber]Wakidi wiwit nglukis awit saking umur 10 taun. Nalika taksih alit Wakidi remen nggambar malih karya-karyanipun Raden Saleh (Raden Saleh Syarief Bustaman) ingkang pikantuk saking buku-buku, malajah, utawi foto-foto punika ingkang ndadosaken Wakidi celak kaliyan seni lukis[1].
Wakidi naté pikantuk pendidikan seni lukis ing Kweekshool Bukitinggi, Sumatra Barat lan naté nganggu kawruh kaliyan pelukis Walanda kanthi nama Van Dick ing sekolah mau. Sasampunipun rampung lajeng dados guru ing almamateripun. Karya-karya Wakidi kondhang dumugi para panikmat seni ing Sumatra Barat nalika Wakidi damel paméran kapisan kanthi mamèraken boten kirang saking 15 karyanipun nalika taun 1920 ing Bukittinggi. Nalika perang kamardikan ing Ranah Minang, Wakidi milih manggon netep lan mulang ing INS Kayutaman kanthi pimpinan Mohammad Syafei[1].
Sasampunipun Republik Indonesia mardika, Wakidi mulang wonten ing Sma Landbouw lan SMA Birugo Bukittinggi. Kajawi punika kathah ingkang nawèkaken kados ta Abu Hanifah, Mantri Pendidikan lan Pengajaran nawèkaken supados Wakidi dados kepala jawatan kabudayan. Ugi Présidhèn Republik Indonesia kapisan Ir. Soekarno ingkang naté nawekaken supados Wakidi dados pelukis astana, sadaya dipuntolak kanthi alus kanthi alesan kathah mendhet wekdalipun kanggé nglukis[1].
Karya Wakidi
[besut | besut sumber]Karya-karyanipun kathah mendhet téma sesawangan alam khas Sumatra Barat. Ing kanvas téma-téma sesawangan alam asring maringi kesan ingkang wiyar kados langit, gunung, sabin ingkang dipunimbangi kaliyan tarikan garis ingkang lembut. Wakidi ugi kawéntar selèktif sanget dhateng objek sesawangan alam ingkang dipunlukis ateges boten sadaya sesawangan alam wonten ing kanvasipun [1].
Ugi pirsani
[besut | besut sumber]Cathetan suku
[besut | besut sumber]- ↑ a b c d e [1] Archived 2013-11-13 at the Wayback Machine., (id) Tokoh Wakidi (dipun-akses 13 Januari 2013).
- ↑ archive.ivaa-online.org Profil Wakidi[pranala mati permanèn]