Václav Klaus
Václav Klaus (IPA: [ˈvaːʦlaf ˈklaʊ̯s]; lair ing Praha, 19 Juni 1941; umur 83 taun) tampil ingkang angka kalih minangka Présidhèn Républik Ceko lan minangka mantan Mahamantri Républik Ceko taun 1992-1997. Boten ragu malih bilih piyambakipun minangka salah satunggaling pulitikus Ceko ingkang paling wigati wonten ing taun-taun pungkasan punika.
Piyambakipun lulus saking Universitas Ékonomi, Praha, nalika taun 1963, lajeng sinau ugi wonten ing sajumlah universitas wonten ing Italia (1966) lan wonten ing Amérikah Sarékat (1969). Piyambakipun ngrembakaken karier ilmiahipun wonten ing Institut Ékonomi saking Akademi Sains Cekoslowakia, ingkang lajeng dipuntilaraken nalika piyambakipun pindhah dhateng Bank Nagara Cekoslowakia rikala taun 1970 (jaréné piyambakipun dipunmedalaken amargi alesan-alesan bab pulitik).
Piyambakipun kagabung kaliyan Institut Prognostics saking Akademi Sains Cekoslowakia ingkang nganut paham perestroika nalika taun 1987. Wonten ing taun 1995, piyambakipun pikantuk gelar Profesor wonten ing babagan Keuangan ing Sekolah Ékonomi Praha (Vysoká škola ékonomická).[4]
Václav Klaus terjun dhateng donyaning pulitik sasampunipun Revolusi Beludru nalika taun 1989. Minangka sawijining anggota (lan pungkasaning dados ketua) saking Forum Warga, piyambakipun dados Mantri Keuangan Federal. Nalika April 1991, piyambakipun ndhèrèk mbiyangun Parté Dhémokrat Warga (ODS). Parté punika minangka ingkang paling kiyat lan sayap paling tengen saking parté-parté ingkang crah sasampuning Forum Warga. Piyambakipun tetep dados ketuanipun dumugi mangsa palastra taun 2002.[5]
Wonten ing wulan Juni 1992, ODS menang pemilu wonten ing Ceko kanthi sawijining program reformasi. Nanging, éwadéné makaten, pemenang wonten ing Slowak minangka parté Gerakan kanggé Slowak Dhémokratis (HZDS) ingkang nasionalistik ingkang dipunpimpin déning Vladimír Mečiar. Boten dangu sasampuning punika, tuntutan-tuntutan Slowak bab kedaulatan ingkang langkung wiyar kabukti boten jumbuh kaliyan fédherasi winates ingkang kapingin dipunpertahanaken wonten ing wewengkon Ceko. Kekalih pemimpin tundhanipun mangku kalungguhan minangka mahamantri wonten ing wewengkonipun piyambak-piyambak lan boten dangu salajengipun sarujuk kanthi sawijining pamerangan Cekoslowakia ingkang damai wonten ing sangandhaping pangawasan sawatawis déning pamarèntah fédheral.[6]
Václav Klaus terus njabat minangka Mahamantri Ceko sasampuning pamilihan rikala taun 1996. Nanging kamenangan ODS ingkang kirang signifikan damel kinerja pamarèntahanipun kaganggu déning samsaya kathahipun prakawis - prakawis bab èkonomi lan boten wonten kestabilanipun. Piyambakipun kedah masrahaken kalungguhan nalika mangsa palastra taun 1997 sasampuning krisis pamaréntahan ingkang dipunsebabaken déning skandal pendanaan ODS. Prastawa punika lajeng dipunsebat minangka "Rajapejah Sarajevo", amargi bab punika kadadosan sadanguning lawatanipun dhateng Sarajevo.
Cathetan suku
[besut | besut sumber]- ↑ Životopis - Pražský hrad
- ↑ "Vlažné přijetí a ateismus Čechů, píší světové agentury". Týden.cz (originally ČTK). Dibukak ing 2013-03-05.
- ↑ http://www.klaus.cz/ www.klaus.cz
- ↑ http://www.economist.com/topics/vaclav-klaus
- ↑ http://www.klaus.cz/english-pages/
- ↑ http://www.bbc.co.uk/news/world-europe-20961896
Pranala njaba
[besut | besut sumber]- Official personal pages, blog
- Biografi dan pidato-pidato terpilih di kantor Présidhèn
| Didhisiki déning: Jabatan baru |
{{{jabatan}}} 1 Januari 1993–17 Dhésèmber 1997 |
Diganti déning: Josef Tošovský |
| Didhisiki déning: Václav Havel |
{{{jabatan}}} 7 Maret 2003–Sapunika |
Diganti déning: masih menjabat |
| Didhisiki déning: Marián Čalfa |
{{{jabatan}}} 2 Juli 1992–1 Januari 1993 |
Diganti déning: Jabatan dihapuskan |
| Didhisiki déning: Jan Stejskal |
{{{jabatan}}} 10 Dhésèmber 1989–2 Juli 1992 |
Diganti déning: Jan Klak Ivan Kočárník (Pamaréntahan Républik Céko) |