Titi Qadarsih

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Titi Qadarsih
Titi Qadarsih.jpg
Pakaryanaktris

Titi Qadarsih (lair ing Pare, Kadhiri, Jawa Wétan, 22 Dhésèmber 1945; umur 73 taun).[1] Titi Qadarsih iku salah sijiné pragawati, penari, penyanyi lan juru main filem Indonésia.[1] Titi Qadarsih uga ditepungi dadi pangisi swara kanggo filem lan uga tau dhuét karo penyanyi Gombloh.[1]

Babad slira[besut | besut sumber]

Titi kadarsih nduwé bapak kang jenengé Mohammad Sardjan.[1] Bapaké Titi Qadarsih iku mantan Mantri Pertanian saka Parté Masyumi ing Kabinèt Wilopo.[1] Nalika cilik, Titi seneng nirokaké pega kanthi obahan lenggak-lenggok.[1] Titi Qadarsih uga tau sinau jogèd balèt klasik.[1] Sawisé iku, Titi banjur kaloka dadi pragawati, penyanyi, juru main filem, panata busana, uga juru main drama.[1] Ing donyaning filem Titi miwiti kariré dadi peran figuran ing filem kang judhulé Hancurnya Petualangan dan Di Balik Cahaya Gemerlapan.[1] Saliyané main filem, Titi Qadarsih uga main téater lan dadi anggota grup Teater Populer lan uga Teater Koma.[1] Titi Qadarsih uga duwé profèsi dadi dubber utawa kang diarani pangisi swara. Titi Qadarsih dadi pangisi swara kanthi bayar paling larang nalika iku.[1]

Titi miwiti kariré dadi anggota grup penyanyi Salanti Bersaudara taun 1964.[1] Titi banjur dadi primadona ing Sanggar Karya kang dipanggedhèni déning Juni Amir. Sawisé nggabung ing sanggar iku Titi banjur ngisi jogèd ing Hotèl Indonésia.[1] Titi Qadarsih banjur nggawé Venus Girl Dance Group, lan dadi pragawati uga foto modhèl.[1]

Wiwit taun 1974, Titi akèh nglakokaké kagiyatan senam.[2] Saiki sanggar senam kang digawé Titi Qadarsih wis duwé cabang kang cacahé 30 cabang ing kutha-kutha ing Indonésia.[2] Nganti saiki, Titi isih dianggep ratuné modèlling Indonésia.[1] Titi uga salah sijiné artis kang tau nampa piala The Lovely Women saka Komite Kalestarian Lingkungan Urip, Titi Qadarsih éntuk piala iki amarga prèstasiné njaga kalestarian Taman Puring, ing laladan Kebayoran Baru, Jakarta Kidul, panggonan sekolah jogèd lan senam TQ Studio.[2]

Sawisé pegatan karo Yudho Salmun kang dadi mantan bojoné, nganti saiki Titi isih betah dhèwèkan lan durung palakrama manèh.[2]

Pendhidhikan[besut | besut sumber]

Pendhidhikan kang tau dilakoni Titi Qadarsih.[1]

  • Fakultas Sastra Univèrsitas Indonésia (UI) jurusan Basa Inggris (1962-1963)-ora rampung
  • Fakultas Èlmu Pengetauan Kamasarakatan UI (1963-1964)-ora rampung

Filmografi[besut | besut sumber]

Film kang dibintangi Titi Qadarsih.[1]

Cathetan sikil[besut | besut sumber]

  1. a b c d e f g h i j k l m n o p q selebriti.kapanlagi.com(diundhuh tanggal 13 Juli 2011)
  2. a b c d tokohindonesia.com(diundhuh tanggal 13 Juli 2011)