Gombloh

Gombloh
Barkas:Gombloh.jpg
Pratélan latar wuri
Jeneng lair	Soedjarwoto Soemarsono
Lair	(1948-07-14)14 Juli 1948 Jombang, Jawa Wétan
Surud	Januari 9, 1988(1988-01-09) (umur 39) Surabaya, Jawa Wétan
Génre	Pop
Labèl	Nirwana Records

Gombloh (lair ing Jombang, Jawa Wétan, 14 Juli 1948 – pati ing Surabaya, Jawa Wétan, 9 Januari 1988 ing umur 39 taun) iku sawijining penyanyi Indonésia kang dilairaké kanthi jeneng asli Soedjarwoto Soemarsono ing Jombang.

Mangsa nom-noman

Gombloh dilairaké minangka anak angka 4 saka enem sasedulur ing kulawarga Slamet lan Tatoekah. Slamet iku pedagang cilik kang urip saka dodolan pitik ing pasar tradhisional. Minangka kulawarga prasaja, Slamet ngarep-arep supaya anak-anaké bisa sekolah kang dhuwur lan duwé kauripan kang luwih apik. Gombloh ngrampungaké pendhidhikan sekolah ing SMA Negeri 5 Surabaya lan kuliah ing Jurusan Arsitektur Institut Teknologi Sepuluh Nopember, (ITS) Surabaya, nanging ora rampung lan milih nuruti naluriné main musik.

Karier musik

Gombloh iku pangripta lagu balada sajati. Gombloh gabung karo grup aliran art rock/orchestral rock kang jenengé Lemon Tree's Anno '69, kang musiké olèh prabawa saka ELP lan Genesis. Leo Kristi lan Franky Sahilatua uga naté dadi anggota grup iki. Kauripan sadina-dina rakyat cilik akèh digambaraké ing lagu-laguné, kaya déné Doa Seorang Pelacur, Kilang-Kilang, Poligami Poligami, Nyanyi Anak Seorang Pencuri, Selamat Pagi Kotaku. Lirik-lirik-é puitis lan misterius. Kayadéné penyanyi balada liyané, kaya ta Iwan Fals lan Ebiet G. Ade, Gombloh uga nulis lagu ngenani (karusakan) alam, salah sijiné ya iku Berita Cuaca (luwih populèr kanthi jeneng Lestari Alamku sanadyan iki dudu judhul kang sabeneré). Lagu-lagu cintané kagolong nylenèh, kaya karya Iwan Fals utawa Doel Sumbang, upamané Lepen. Nanging, Gombloh duwé téma khas ya iku nasionalisme ing lagu-laguné, kaya déné Déwa Ruci, Gugur Bunga, Gaung Mojokerto-Surabaya, Indonesia Kami, Indonesiaku, Indonesiamu, Pesan Buat Negeriku, lan BK, lagu kang carita ngenani Bung Karno, sang proklamator. Laguné Kebyar Kebyar kerep ditembangaké ing mangsa perjuangan kang nuntut Reformasi.

Bebarengan karo Lemon Tree's Gombloh naté ngrilis album kang lagu-laguné nganggo basa Jawa kanthi ieah-irahan "Sekar Mayang". Hong Wilaheng, kang wujud gagrag reprise saka lagu Sekar Mayang lan masuk sajeroning album "Berita Cuaca", migunakaké lirik kang dijupuk saka Serat Wedhatama.

Gombloh uga nulis lagu kanggo penyanyi liya. Gombloh nulis Tangis Kerinduan kanggo Djatu Parmawati dirilis (1988), uga Merah Putih (1986) kang ditembangaké bebarengan.

Diskografi

Gombloh & The Lemon Tree's Anno '69

1. Nadia & Atmospheer (1978)
2. Mawar Désa (1978)
3. Kadar Bangsaku (1979)
4. Kebyar Kebyar (1979)
5. Pesan Buat Negeriku (1980)
6. Sekar Mayang (1981, berbasa Jawa)
7. Terimakasih Indonesiaku (1981)
8. Pesan Buat Kaum Belia (1982)
9. Berita Cuaca (1982)
10. Kami Anak Negeri Ini (1983)

Sala karier

1. Gila (album konser live, 1983)
2. 1/2 Gila (1984)
3. Semakin Gila (1986)
4. Apel (1986)
5. Apa Itu Tidak Edan (1987)

Pranala njaba

• Gombloh Tutur Sang Trubatur
• Artikel ing Kasak-Kusuk Archived 2007-09-28 at the Wayback Machine.