Tawon

Saka Wikipédia Jawa, bauwarna bébas abasa Jawa
Tawon
Teksiran kala: Early Cretaceous - Recent, Cithakan:Fossilrange
Osmia ribifloris
Klasifikasi èlmiah
Families

Andrenidae
Apidae
Colletidae
Dasypodaidae
Halictidae
Megachilidae
Meganomiidae
Melittidae
Stenotritidae

Sinonim

Apiformes

Tawon iku saklompok gedhé srangga sing dikenal amarga seneng urip nglompok utawa mbentuk koloni sanajan sejatiné ora kabèh sifaté kaya mangkono. Tawon sing urip ndhéwé ora ing klompok kasebut tawon solitèr. Tawon klebu ing suku/familia Apidae (ordo Hymenoptera: srangga kanthi swiwi slaput). Ing donya ana kira-kira 20.000 spesies tawon sing bisa ditemokaké ing saben bawana, kejaba Antartika.

Minangka srangga, tawon nduwé telung pasang sikil lan rong pasang swiwi. Tawon nggawé susuhé ing ing dhuwur wukir, ing wit kayu lan ing gendhèng omah. Susuhé digawé saka malam sing ana ing awaké. Tawon mangan nektar kembang lan serbuk sari.

Ing sawijining klompok tawon utawa koloni, ana pambagéyan tugas selaras karo wangun awaké, ya iku:

  • Tawon ratu, mung ana siji ing saben koloni lan ngawal kabèh kegiyatan tawon lanang lan wadon. Komposisi kromosomé diploid saéngga bias ngasilaké keturunan. Awaké luwih gedhé amarga wiwit isih larva diwènèhi pangan royal jelly sing akèh khasiyaté. Tugas utamané kawin lan ngendhog. Tawon ratu sing aktif bias ngendhog kurang luwih 2.000 butir sedina. Uripé tawon ratu iku telung taun.
  • Tawon wadon kang dikenal uga minangka tawon buruh. Tawon iki nglumpukaké serbuk sari lan nektar. Madu arupa prodhuk asil pangolahan panganan iki ing njeron awak lan disimpan ing susuh tawon minangka panganan, kalebu kanggo larva lan pupa. Ana uga tawon wadon sing tugasé ngresiki susuh lan njaga anak-anak tawon. Uripé tawon buruh iku telung sasi utawa luwih sithik. Tawon wadon kawangun tanpa liwat perkawinan ("partenogenesis") lan mandhul (steril) amarga mung nduwé sak sèt kromosom (haploid).
  • Tawon lanang, tugasé ngawini tawon ratu lan bakal mati sawisé kawin. Tawon lanang arupa tawon asil perkawinan (saéngga diploid) sing diwènèhi pangan nektar lan madu biasa (dudu "royal jelly").

delengen uga[besut | besut sumber]

Pranala njaba[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Tawon&oldid=972144"