Suprapto Suryodharmo
Suprapto Suryodharmo (lair di Surakarta, Jawa Tengah, taun 1945; umur 79 taun) inggih punika salah satunggalipun seniman lan panata beksan saking Indonésia. Namanipun misuwur minangka panata beksan ingkang prigel wonten Indonésia sapunika. Piyambakipun miyosaké kathah juru beksan nem ingkang sami ngangsu kawruh dhumateng piyambakipun. Minangka saget mbiyantu ngulah raga, Suprapto ugi sinau silat, kungfu, lan meditasi[1][2] [3]
Riwayat
[besut | besut sumber]Suprapto Suryodharmo sampun caket kaliyan donya kesenian mliginipun beksan (seni jogèd) wiwit taksih nem kanthi ndhèrèk ramanipun dhumateng gunung, pepundhen, sendang, lan pasaréan. Sadanguné ndhèrèk sang rama, piyambakipun nglampahi kados ta siyam, tilem ing sendhang utawi pasaréan saperlu ngeningaké cipta-sukma. Bakat seni Suprapto ugi kadhapur déning lingkungan saindhengipun, lan kekajenganipun tuwuh sanget nalika asring mirengaken gendhing utawi langgam. Kemlayan, ing mriku Suprapto manggèn, inggih punika kampungipun para pengrawit karaton.[4]
Ing taun 1966, Suprapto ngyasa kelompok kabudayan Bharada (cekakan saking bhinneka raga budaya) ingkang asring makempal ing griyanipun kanggé sami-sami sinau lan gladhi. Para sumantali (pelatih) ing Bharada, antawisipun S. Ngaliman lan Mloyo Widodo, tokoh-tokoh misuwur ing jagating beksan lan gamelan. Taun 1967, piyambakipun mlebet pawiyatan ing Jurusan Karawitan, Akademi Seni Karawitan Indonesia Surakarta (sapunika ISI Surakarta), lan mboten dangu sabanjuripun, dipilih minangka katua senat mahasiswa. Kanthi kalungguhan punika, piyambakipun ngawontenaken lokakarya, pagelaran, lan festival kanthi ngulemi para seniman kados ta panggurit lan sutradara W.S. Rendra.[5]
Suprapto naté nyambut damel ing ASKI lan Organisasi ASKI kanggé bebrayan, Pusat Kebudayaan Jawa Tengah, ing sangandhapipun Gendhon Humardhani antawisipun taun 1972 dumugi 1983. Gendhon Humardhani ugi ingkang nyengkuyung supados piyambakipun nuntasaken pawiyatan sarjananipun ing Jurusan Filsafat Universitas Gajah Mada. Ing wekdal ingkang sami, piyambakipun ngangsu kawruh bab Buddha lan Sumarah (panyerahan tuhu).
Taun 1974, Suprapto mimpin satunggalipun tim ingkang anggotanipun para juru beksa, dhalang, pangrawit, lan seniman visual saking ASKI lan Akademi Seni Murni Yogyakarta, ASRI, ngripta Wayang Buddha. Wayang Buddha punika awujud pagelaran wayang gagrag énggal ingkang nggabungaken seni rupa, musik lan pewayangan. Pagelaran Wayang Buddha nyriosaken bab Buddha kados ta riwayat Buddha, Sutasoma, lan Kunjarakarna Dhramkathana. Karya punika dipungelar ing festival-festival seni lan adicara keagamaan, lan pengetan dinten Buddha.
Awit pentas sesarengan Sardono W. Kusumo ing Jerman minangka adicara Festival Pantomim Internasional taun 1982, saben taun, piyambakipun tansah pikantuk uleman saking manca nagari saperlu maringi workshop lan pagelaran karyan ing Eropa, Australia, Filipina, Koréa, Jepang, lan Amérikah Sarékat. Taun 1986 Suprapto ngedekaken Padepokan Lemah Putih. Ing padhepokan punika lajeng miyos Komunitas Sharing Movement.
Pedamelan
[besut | besut sumber]- Guru di ASKI/ISI Surakarta
- Makarya di organisasi ASKI untuk masarakat umum
- Makarya di Pusat Kebudayaan Jawa Tengah (Taman Budaya Surakarta)
- Pangyasa Padepokan Lemah Putih
- Pangyasa Kelompok Bharada
Karya
[besut | besut sumber]- Filsafat Déwa Ruci
- Sebuah Kisah Kunci Dalam Wayang dan Teks Utama Mistisisme Jawa
Rujukan
[besut | besut sumber]- ↑ The Jakarta Post: The Jakarta Post: Suprapto Suryodharmo meditation motion, dijupuk 2 Maret 2015
- ↑ Taman Ismail Marzuki: Website resmi Taman Ismail Marzuki Archived 2015-04-02 at the Wayback Machine., dijupuk 2 Maret 2015
- ↑ Timlo: Mbah Prapto: Karya Seni Bukan Barang Dagangan Archived 2013-03-08 at the Wayback Machine., dijupuk 2 Maret 2015
- ↑ Solografi: Solografi: Suprapto Suryodharmo, meditasi gerak joget amerta Archived 2013-12-01 at the Wayback Machine., dijupuk 2 Maret 2015
- ↑ Perpustakaan Depkeu: Perpustakaan Departemen Keuangan RI, dijupuk 2 Maret 2015