Soto Bangkong

Saka Wikipédia Jawa, bauwarna mardika basa Jawa
(Kaelih saka Soto Semarang)
Loncat ke navigasi Loncat ke pencarian
soto semarang
soto semarang komplit

Soto Semarang utawi ingkang misuwur kanthi sebatan Soto Bangkong punika salah satunggaling dhaharan khas Semarang, Jawa Tengah. Soto semarang kathah dipunremeni tiyang amargi gadhah ciri khas saking sate kerang ingkang dipunkum kecap manis minangka lawuhipun. Duduh soto semarang ingkang werninipun coklat ugi ingkang bedakaken saking soto-soto jinis sanèsipun.[1] Dipun wastani soto bangkong amargi miterat sujarahipun, bilih nalika sepisanan soto punika misuwur ing kitha Semarang, soto bangkong punika dipunsadé wonten ing Jl. A. Yani, Jl. M. T. Haryono saha Jl. Brigjen Katamso utawi ingkang asring dipunsebat jalan Bangkong ing Semarang. Amargi gadhah ciri khas ingkang bènten kaliyan jinis soto sanèsipun, mila soto ingkang dipunsadé ing jalan bangkong punika dipunwastani soto bangkong. Sapunika soto bangkong dipunsade boten namung ing kitha Semarang kemawon nanging sampun nyebar ing kitha-kitah sanès ing Pulo Jawa.

Bahan-bahanipun[besut | besut sumber]

Bahan-bahan ingkang dipun-ginakaken kanggé damel soto semarang inggih punika:[2]

  1. 500 gr ayam, dipungodhog ngantos empuk, dipunpendhet dagingipun, lajeng dipunsuwir-suwiri
  2. 50 gr mi soun lajeng dipunkum toya anget kering, rendam air hangat hingga lunak, potong-potong
  3. 3 sdm lisah
  4. 1 lbr ron salam
  5. 1 btg sereh dipungeprak
  6. 2 lbr daun jeruk purut
  7. 1.250 ml kaldu ayam
  8. 2 btg ron bawang dipuniris tipis
  9. 2 btg seledri dipuniris alus
  10. 4 sdm kecap manis
  11. 2 sdm brambang goreng
  12. 1 bah jeruk nipis dipunkethok-kethok

Bumbu-bumbu[besut | besut sumber]

Bumbu-bumbu ingkang dipunbetahaken kanggé damel soto semarang inggih punika:

  1. 4 butir kemiri
  2. 1 sdt mrica butir
  3. 1 sdt ketumbar
  4. 1 cm jae
  5. 1 cm kunir
  6. 2 sdt sarem

Pelengkap[besut | besut sumber]

Nalika dhahar soto semarang, badhé langkung éco manawi dipunjangkepi kaliyan bahan-bahan pelengkap, kados ta:

  1. sekul putih
  2. Bawang putih ingkang dipungorèng
  3. ron bawang,
  4. Sate Kerang
  5. jeruk nipis
  6. brambang gorèng
  7. kecap
  8. sambel rawit ingkang dipundamel saking lombok abang lan lombok ijem dipunsukani sarem lajeng dipunuleg ngantos alus.

Caranipun Damel[besut | besut sumber]

Caranipun damel soto semarang inggih kados makaten:[3]

  • lisah dipunpanasi, lajeng sadaya bumbu ingkang sampun dipunuleg ngantos alus, ron salam, saha serèh dipunosèng ngantos gandanipun arum.
  • Dipun lebetaken ayam, sarem, saha kecap, lajeng dipunundhak ngantos rata. Manawi sampun saged dipunsukani toya lajeng dipuntengga ngantos umub.
  • Ayam dipunmasak ngantos mateng lajeng saged dipunangkat manawi sampun. Ayam ingkang taksih wutuh lajeng dipunsuwir-suwiri lan saged dipunlebetaken malih wonten duduh soto. Duduh soto lajeng dipungodhog malih ngantos umub, lan saged dipunangkat manawi sampun.
  • Lebetaken toge utawi cambah lan soun wonten ing mangkok saji kanthi dipuntata ingkang saé lajeng duduh soto saged dipunlebetaken wonten mangkok kasebat ugi.
  • Soto sampun samekta dipunsajékaken nalika taksih panas kanthi dipunjangkepi kaliyan bahan pelengkap saha sambel rawit.

Uga delengen[besut | besut sumber]

Cathetan suku[besut | besut sumber]

  1. [1](dipunundhuh tanggal 12 Dhésèmber 2012)
  2. [2](dipunundhuh tanggal 11 Dhésèmber 2012)
  3. [3](dipunundhuh tanggal 12 Dhésèmber 2012)