Sogok telik

Saka Wikipédia Jawa, bauwarna bébas abasa Jawa
Saga pohon
Adenanthera pavonina ana ing wite.
Klasifikasi èlmiah
Krajan: Plantae
Divisio: Magnoliophyta
Kelas: Magnoliopsida
Ordo: Fabales
Kulawarga: Fabaceae
Subkulawarga: Mimosoideae
Marga: Adenanthera
Jinis: A. pavonina
Jeneng binomial
Adenanthera pavonina
L.

Sogok telik utawa Sogok thuntheng (Adenanthera pavonina) sawijining wit-witan kang memper tanduran pete, kagolong kacang-kacangan. Tanduran iki asale saka Asia Kidul lan wis sumebar ing laladan-laladan tropis. Wit sogok telik duwure bisa nganti watara 10 meter lan gedhene sakprangkulan. Ing karang padésan, sogok telik umume thukul ana ing pomahan sakiwa tengen omah. Dene ing kutha, biasa ditandur ing kiwa-tengen dalan gedhe utawa taman kanggo eyup-eyup.

Godhonge saemper karo godhong pete lan kelor, lan nduwèni kasiat kanggo tamba rematik. Kayune cukup atos saengga kena kanggo mebel, kusen lan balungan omah.

Isine kang werna abang menceling biasa diklumpukake bocah-bocah kanggo dolanan, utawa dibakar lan njerone dipangan.

Tanduran liya kang uga nduwèni jeneng sogok telik ya iku Abrus precatorius kang awujud wit-witan mrambat kang isine bunder-bunder sak gotri werna abang menceling uga lan ana campuran werna ireng. Kanggo mbedakake, diarani sogok telik lanang.

Delengen Uga[besut | besut sumber]

Isi sogok telik


Sumber artikel punika saking kaca situs web: "https://jv.wikipedia.org/w/index.php?title=Sogok_telik&oldid=1017402"