Roy Marten

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Roy Marten
Roy marten 053.jpg
LairRoy Wicaksono
PakaryanAktor
Taun aktif1974-saiki
BojoFarida Sabtijastuti(pegat)
Anna Maria
AnakMonique, Aline, Galih lan Gading Marten (saka Farida Sabtijastuti)
Merari lan Mahesa Gibran (saka Anna Maria)
Wong tuwaAbdul Salam (bapak)
Johanna Nora Van Daatselaar (ibu)

Roy Wicaksono kondhang karo jeneng Roy Marten (lair ing Salatiga, Jawa Tengah, 1 Maret 1952; umur 67 taun) ya iku aktor Indonésia kang dikenal ing taun 1970-an nganti taun 1980-an.[1]

Karir[besut | besut sumber]

Roy miwiti kariré dadi peragawan ing Salatiga.[1] Roy tau menangaké King Boutique ing Jawa Tengah. Sawisé iku dhèwèké lagi pindhah menyang Jakarta.[1] Roy dadi anak nomer telu saka sadulur kang cacahé enem.[1] Roy Marten anak saka pasangan Abdul Salam lan Johanna Nora Van Daatselaar.[1] Anak pambarep pasangan iki ya iku Rudy Salam (artis), kang kaping loro ya iku Melani Kusuma (wiraswata katering ing Jakarta), lagi kang kaping telu ya iku Roy Marten, anak kang kaping papat ya iku Ery Salam (notaris kang Semarang), banjur Ronny Salam (wiraswata koperasi simpan pinjam),lang kang wuragil jenengé Chris Salam (pengacara lan artis).[2] Jaman keemasan Roy ya iku nalika taun 1977.[3] Nalika iku Roy Martin dikenal dadi salah sijiné kelompok bintang "The Big Five" kang anggotané Yati Octavia, Robby Sugara, Doris Callebaute, Yenny Rachman, lan Roy Marten.[3] Nalika iku grup iki éntuk gaji gedhé dhéwé ya iku kang cacahé Rp 5 yuta, sekali main ing filem.[3] Taun 1977 Roy uga dadi bintang filem paling akèh ing kariré.[3]

Kasus narkoba[besut | besut sumber]

Durung rampung urusané karo Ketua Umum PARSI, Anwar Fuady, malah Roy kudu duwé urusan karo pulisi.[4] Roy dicekel nalika tanggal 2 Fèbruari 2006 kurang luwih jam 16.00, amarga nggawa narkoba jinis sabu-sabu kang aboté 3 gram.[4] Dhèwèké dicekel ing di kawasan Ulujami, Jakarta Selatan.[4] Pungkasané sawisé disidhang Pengadilan Negeri Jakarta Selatan mènèhi vonis 9 sasi subsider 3 sasi.[4] Sawisé éntuk remisi Roy Marten metu saka kunjara nalika tanggal 1 Oktober 2006.[5] Roy Marten ngaku yèn dhèwèké kapok lan ora kepéngin manèh nganggo narkoba.[5] Pangalaman Roy Marten kang suwéné sangang sasi ing kunjara maragakaké Roy Marten aktif ing kagiyatan penyuluhan pencegahan narkoba kanthi tujuwan wong liya ora ngrasakaké apa kang Roy Marten rasakna.[5] Malah Roy Marten diudang BNN dadi pambicara kampanye anti narkoba.[5]

Cathetan suku[besut | besut sumber]

  1. a b c d e Profil ing KapanLagi.com(dipunundhuh tanggal 8 Juli 2011)
  2. Keluarga Berharap Tak Ditahan (dipunundhuh tanggal 8 Juli 2011)
  3. a b c d Roy Marten (dipunundhuh tanggal 8 Juli 2011)
  4. a b c d Bawa Narkoba, Roy Marten Ditangkap Pulisi(dipunundhuh tanggal 8 Juli 2011)
  5. a b c d Roy Marten Segera Masuk Rehabilitasi(dipunundhuh tanggal 8 Juli 2011)