Prasasti Kayumwungan

Prasasti Kayumwungan iku prasasti ing limang punggelan watu sing tinemu ing dhusun Karangtengah, Kabupatèn Temanggung, Jawa Tengah. Prasasti iku uga kondhang kanthi sebutan prasasti Karangtengah. Prasasti iki tinulis kanthi aksara Jawa Kuna, lan migunakaké rong (2) basa. Larik 1-24 ditulis ing basa Sanskerta, larik sabanjuréditulis nganggo basa Jawa Kuna. Kabèh basa mau nuduhankaké warsa 746 Saka utawa 824 Masèhi.

Surasaning Prasasti

Prasasti sing migunakaké basa Sanskerta ngandharaké ana sawijining ratu kanthi peparab Samaratungga. Putriné, ya iku Pramodawardhani, ngedegaké panggonan suci sing ingaran Wenuwana (Sansekerta: Venuvana, sing tegesé "alas pring") kanggo panyimpenan awu jisim 'ratu mega', sebutan kanggo Déwa Indra. Larikan iki bisa uga dimaknani ratu Indra utawa Dharanindra saka kulawarga Sailendra.

Pérangan kanthi basa Jawa Kuna ngandharaké yèn 10 Kresnapaksa wulan Jyestha taun 746 Saka utawa 824 Masèhi, Rakai Patapan pu Palar ngresmèkaké laladan sawah ing Kayumwungan dadi lemah sima utama lemah perdhikan (panggonan tanpa pajeg).

Casparis nyocogagé wangunan Wenuwana iki karo candhi Mendut. Déné, Soekmono nganggep wangunan iku candhi Ngawèn kanthi lelandhesan pangucapan sing mèmper. Sawetara wangunan sing ingaran Jinalaya dinuga Candhi Barabudhur.

Uga delengen