Paléozoikum

Saka Wikipédia Jawa, bauwarna bébas abasa Jawa
(Dilih saka Paleozoikum)
Fosil Trilobita, organisme kang ngrmbaka ing jaman Paleozoikum

Paléozoikum (basa Yunani: palaio, "tuwa" lan zoion, "kéwan", tegesé "panguripan purba") ya iku era kapisan saka telung era ing eon Fanerozoikum. Era paleozoikum ya iku jaman purba kang lumaku watara 340 taun suwéné, ya iku watara 600 yuta taun utawa 230 taun kapungkur.[1] Ing jaman iki wis wiwit ana panguripan, ya iku diwiwiti kéwan cilik kang ora nduwé balung mburi, jinis iwak, amfibi, lan reptil.[2]

Pamérangan jaman[besut | besut sumber]

Jaman Paleozoikum dibagi dadi enem kalamangsa, kathi urut saka jaman kang tuwa dhéwé ya iku Kambrium, Ordovisium, Silur, Devon, Karbon, lan Perm. Paleozoikum diterusaké kanthi era Mesozoikum.

Kambrium[besut | besut sumber]

Endapan kang kawentuk ing era Kambrium akèh tinemu fosil, saéngga akèh kang bisa dingertèni babagan kahanan panguripan ing era iki. Era iki ditandhani déning anané endapan-endapan kang ngandhut jisim-jisim fosil kang wis tekan tinglat perkembangan kang dhuwur, yèn kabandhingaké karo apa kang ditemoni ing jaman Prakambrium. Kabèh isih urip kebates mung ing banyu. Mula, sisa-sisa paninggalané mung arupa jisim-jisim banyu, mliginé jisim-jisim samodra. Tuladhané ya iku archaecyata lan kéwan Trilobit Olenellus.[3]

Silur[besut | besut sumber]

Ing jaman Silur, panyebaran kéwan luwih amba tinimbang ing jaman Kambrium. Akè golongan kéwan anyar ing jaman iki. Sing wigati antarané ya iku Vertebrata, kéwan kang nduwé balung mburi. Graptalit ya iku ciri fosil panuduh ing jaman Silur lan minangka kumpulan utawa kalori kéwan cilik kang diarani rabdosoma.[3]

Devon[besut | besut sumber]

Ciri saka jaman devon iki ya iku wiwit anané tetanduran dharat lan kéwan-kéwan kang nduwé balung punggung. Nanging, ing segara akèh tinemu perkembangan kang amba ing golongan-golongan kéwan kang ora nduwé balung punggung, kaya ta Amronit.[3]

Karbon[besut | besut sumber]

Jaman karbon ditandhani kanthi anané sawetara karbon bébas ing pérangan-pérangan donya. Karbon utawa Carbonium utawa areng ing mrabawani banget ing cuaca utawa iklim. Ing jaman Karbon iku kadadéan prastawa kawentuké pagunungan.[3]

Perm[besut | besut sumber]

Ciri-ciri jaman perm ya iku bilih papan lapisan kang diskor lan ana ing ndhuwuré karbon ngandhut batu bara. Ciri liya ya iku ana panyimpangan kéwan segara saka 2 karbon fosil ing jaman Paleozoikum kang pungkasan. Ing Indonésia, paninggalan saka jaman Perm ya iku kang tinemu ing Timor ing lembah kali Noil, wesi ing Miaffo Timor barat daya kang arupa lava-lava bantal kang dikasilaké saka kagiytan vulkanik. Ing Sumatera, paninggalan jaman iki arupa gamping lan lenga, koalium, lempeng keramik, wesi, lan batu bara.[3]

Cathetan suku[besut | besut sumber]

  1. ^ Arti paleozoikum(diundhuh 5 Maret 2013)
  2. ^ Pengertian Zaman Prasejarah dan Manusia Purba di Indonésia(diundhuh 5 maret 2013)
  3. ^ a b c d e Zaman Sejarah Pembentukan Bumi(diundhuh 5 Maret 2013)

Skala wektu géologi: eon lan éra
(jroning yuta taun)