Padma raseksa
| Patma raseksa | |
|---|---|
| |
Status konservasi: Terancam
| |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Rafflesiales |
| Famili: | Rafflesiaceae |
| Génus: | Rafflesia |
| Spésies: | R. arnoldii |
| Jeneng binomial | |
| Rafflesia arnoldii R.Br. | |
Patma raseksa (Rafflesia arnoldii) iku tetuwuhan parasit obligat kang misuwur amarga duwé kembang ukuran gedhé banget, malah dadi kembang gedhé dhéwé ing donya. Tuwuhan iki tuwuh ing jaringan tetuwuhan mrambat (liana) Tetrastigma lan ora duwé godhong saéngga ora bisa ngayahi fotosintesis. Tetuwuhan iki endemik ing Pulo Sumatra, mligi pérangan kidul (Bengkulu, Jambi, lan Sumatra Kidul). Taman Nasional Kerinci Seblat minangka laladan konservasi utama spésies iki. Jinis iki, bebarengan karo anggota génus Rafflesia liyané, kaancam statusé akibat penggundulan alas. Ing Pulo Jawa tuwuh mung siji jinis patma parasit, Rafflesia patma.
Kembang minangka parasit ora duwé oyod, ora duwé godhong, lan ora ana gagangé. Diameter kembang nalika nuju mekar bisa nganti 1 mèter lan aboté watara 11 kilogram. Kembang ngisep unsur anorganik lan organik saka tuwuhan inang Tetrastigma. Siji-sijiné pérangan kang bisa sinebut "tuwuhan" ya iku jaringan kang tuwuh ing tetuwuhan mrambat Tetrastigma. Kembang duwé lima godhong makutha kang ngubengi pérangan kang katon kaya gentong. Ing dhasar kembang ana pérangan kaya piringan mawa eri, isi benang sari utawa putik gumantung marang jinis kelamin kembang, lanang utawa wadon. Kéwan panyerbuk ya iku laler kang kapilut déning gandan kembang. Kembang mung umur watara seminggu (5-7 dina) lan sawisé iku alum lan mati. Presentase pambuahan cilik banget, amarga kembang lanang lan kembang wadon arang banget bisa mekar bebarengan sajeroning seminggu.
Gladri
[besut | besut sumber]-
Kembang Rafflesia arnoldi utawa patma raksasa, kerep klèru karo kembang bangkai amarga padha ngetokaké ganda badheg
-
Spesimen Rafflesia arnoldii ing Kyoto Botanical Garden -
Kembang Rafflesia Arnoldii
| Artikel iki minangka artikel rintisan. Kowé bisa ngéwangi Wikipédia ngembangaké. |