Laler

Saka Wikipédia Jawa, bauwarna bébas abasa Jawa
Laler
Kalamangsa: Patengahan Triassic - Saiki
Diptera1.jpg
Sawijining poster kanthi 16 jinis laler.
Klasifikasi ngèlmiah
Karajan: Animalia
Filum: Arthropoda
Klas: Insecta
Subklas: Pterygota
Infraklas: Neoptera
Superordho: Endopterygota
Ordho: Diptera
Linnaeus, 1758
Subordo

Nematocera (includes Eudiptera)
Brachycera

Laler kalebu jinis srangga, sing asalé saka subordo Cyclorrapha ordo Diptera. Sacara morfologi laler dibédakaké saka lemud (subordo Nematocera) adhedhasar ukuran anténané; laler duwé anténa cendhèk, sauntara lemud duwé anténa dawa[1]. Laler umumé duwé sapasang swiwi asli sarta sapasang swiwi cilik sing dipigunakaké kanggo njaga stabilitas nalika mabur.

Laler gumantung banget marang pandelengan kanggo lestari urip. Mata majemuk laler kapérang saka éwonan lensa lan peka banget marang obahan. Sapérangan jinis laler duwé pandelengan telung dhimènsi sing akurat. Sapérangan jinis laler liya, tuladhané Ormia ochracea, duwé organ pangrungu sing canggih banget.

Laler akèh jinisé, kaya ta:

Loro jinis laler ya iku laler omah lan laler ijo paling lazim ing uripé manungsa. Sing ukurané paling gedhé ya iku laler ijo. Loro-loroné mangan lan urip ing saubenging manungsa, nularakaké rupa-rupa panyakit lan uripé kemproh tur sarwo reget.

Tangkar-tumangkaré laler[besut | besut sumber]

Sajinis laler spésies Coenomyia ferruginea lagi kawin. Laler wadon sig ukurané luwih gedhé (ndhuwur), laler sing lanang ukurané luwih cilik (ngisor)

Laler tangkar-tumangkar sacara generatif utawa kawin. Sawisé ovum diawohi lan mateng laler wadon bakal ngendhog. Mila laler kalebu kéwan ovipar.

Laler biyasa ngendhog ing woh-wohan utawa bathang, lan anaké diarani sèt. Nanging ing nagara-nagara manca, sèt wis akèh dianggo dadi obat, mligi kanggo nambani lelara saka baktèri amarga sèt mung mangan bathang waé.

Lelara sing ditularaké[besut | besut sumber]

Lelara sing racaké ditularké laler ya iku:

Lan sapanunggalé.

Réferènsi[besut | besut sumber]

^ Hidayat, P. (2005) Pengenalan ordo dan beberapa famili serta anggota spesiesnya (format PDF, diakses 8 Maret 2006). Slide matakuliah Pengantar Perlindungan Tanaman. Departemen Proteksi Tanaman, Institut Pertanian Bogor.

Pranala njaba[besut | besut sumber]