Pèpèng

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pèpèng
Peng-tami-300x451.jpg

Ferrasta Soebardi utawi langkung misuwur kanthi asma Pépéng (lair ing Sumenep, Madura, Jawa Wétan, Indonésia, 23 Sèptèmber 1954; umur 64 taun) inggih punika satunggalipun artis lan pelawak Indonésia.[1] Pépéng misuwur ing jagad panglipur Indonésia wiwit menang lomba lawak mahasiswa ing taun 1978 minangka juwara satunggal, kancanipun Krisna Purwana lan Nana Krip dados juwara kalih lan tiga.[1] Kaliyan Krisna lan Nana Krip, Pépéng damel grup lawak ingkang dipunparingi nami Bahana Joke lan ugi FKR 246.[1] Salajengipun damel grup musik humor, Gmselo (Gerak Musik Seloroh).[1] Pépéng lan kanca-kancanipun dados misuwur nalika kepanggih kaliyan Sys NS lan ngejak nggabung ing grup Sersans Prambors lan main filem Rojali lan Juleha taun 1979, Sama-sama Enak taun 1986, lan Anunya Kamu taun 1986.[1] Ing taun 1987, Sersan Prambors bibar, lan Pépéng milih karier dados punggawa kantor.[1] Pépéng naté dados punggawa ing Bank Pinaesaan taun 1988 lan Bakrie Brothers taun 1989.[1] Taun 1992, naminipun Pépéng dados misuwur malih nalika dados panatacara ing acara telekuis Jari-jari, satunggalipun program acara interaktif kanthi piranti komunikasi tilpun sadangunipun tigang menit ingkang dipungagas déning RCTI.[1] Pépéng ugi nyobi terjun ing jagad pulitik kanthi dados kader Parté Keadilan Sejahtera (PKS) lan naté dipuncalonaken minangka lègislatif ing laladan Sumenep, Madura, Jawa Wétan.[1] Nalika 9 November 2005, Pépéng dipunvonis gadhah lelara Multiple Sclerosis ingkang damel lemes saraf motorik, sensorik, lan ootonom.[2]

Cathetan suku[besut | besut sumber]

  1. a b c d e f g h i Pepeng dipunundhuh tanggal 28 Juli 2011)
  2. Semangat Pépéng Melawan 'Multiple Skleorosis dipunundhuh tanggal 28 Juli 2011)

Pranala njawi[besut | besut sumber]