Sys NS
| Sys NS | ||
|---|---|---|
 | ||
| Biodata | ||
| Lair | Juli 18, 1956 | |
| Asal |  Semarang, Indonésia | |
| Pakaryan | Sutradara, Aktor, Pulitisi | |
Raden Mas Haryo Heroe Syswanto Ns. Soerio Soebagio (lair ing Semarang, Jawa Tengah, 18 Juli 1956; umur 68 taun) utawa kang luwih ditepungi kanthi jeneng Sys NS iku aktor lan sutradara Indonésia.[1] Saliyané iku, Sys NS uga dadi salah sijiné kang ngrintis Parté Dhémokrat.[1] Wiwit taun 2007 Sys metu saka Parté Dhémokrat lan nggawé Parté Nagara Kesatuan Républik Indonésia.[1]
Sanajan lair ing Semarang, nanging wong tuwané Sys manggon ing Jakarta.[1] Nanging ibuné Sys kang nalika iku lagi mbobot pitung sasi pancèn sengaja bali ing omahé éyang putriné kang ana ing Semarang kanggo nglairaké dhèwèké.[1] Iki pancèn dadi kabiyasan ibuné ya iku Siti Suciati, kang nglairaké ing Semarang kalebu Sys lan sadulur-seduluré.[1] Nalika Sys sekolah ing SMU, wong tuwané Sys kang pindhah ing kutha Semarang.[1] Nanging Sys tetep milih manggon ing Jakarta lan nerusaké sekolahé.[1]
Sawisé pisah karo wong tuwané, Sys kang isih sekolah uga nyambut gawé dadi disc jockey.[1] Nalika isih dadi mahasiswa kang kuliyah ing IKJ, Sys uga srawung karo para artis lan nyambut gawé dadi disc jockey.[1] Nanging Sys banjur milih ninggal bangku kuliyah lan kerja dadi disc jockey.[1] Sys tau éntuk bebungah dadi "The Best of Disc Jockey of Indonésia" nalika taun 1975.[1]
Sys palakrama karo Shanty Widhiyanti, SE, anak saka Drs. Syaiful Hamid.[1] Saka bebrayan iki Sys éntuk anak kang cacahé telu ya iku Syanindita Trasysty, Sabdayagra Ahessa lan Sadhenna Sayanda.[1]
Sys NS nggawé buku biografi kang judhulé "Pop Biografi & Kreatografi SYS NS Yesterday, Today & Tomorrow" nalika dina Minggu tanggal 15 Mèi 2005 ing Hard Rock Cafe, Jakarta.[2]
Cathetan sikil
[besut | besut sumber]
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |