Oomycota
| Oomycetes | |
|---|---|
| |
| Klasifikasi ngèlmiah | |
| Karajan: | Protista |
| Filum: | Heterokontophyta |
| Klas: | Oomycetes |
| Ordo | |
| Lagenidiales Leptomitales Peronosporales Pythiales Rhipidiales Saprolegniales | |
Oomycota ugi kawastanan jamur air inggih punika salah satunggaling filum saking Protista ingkang mèmper jamur.[1]. Nama Oomycota punika asalipun saking tembung oo ingkang tegesipun tigan (endhog) kaliyan tembung mycota ingkang tegesipun jamur.[1] Pramila, Oomycota ugi dipuntepang kaliyan peparab fungi telur. Peparab kasebat ugi nedahaken tumrap cara réprodhuksi Oomycota mawi sèksual.[1] Tuladha saking filum Oomycota inggih punika jamur air (water mold), karat putih (white rust), kaliyan jamur wulu alus (downy mildew). Déné tuladha spesiesipun inggih punika Saprolegnia.
Ciri-Ciri
[besut | besut sumber]- Benang-benang hofa boten gadhah sekat ingkang malang (senositik), sanégga ing salebetipun saged kapanggih inti mawi gunggung ingkang kathah.[2]
- Dhindhing sèl kasusun saking selulosa.[2]
- Nindakaken réprodhuksi aseksual mawi mbenti zoospora ingkang nggadhaho flagela 2 kanggé nglangi ing salebetipun toya.[2]
- Nindakaken réprodhuksi mawi cara sèksual, inggih punika mbentuk gamet (sel kelamin) sasampunipun fertilisasi bakal kawentuk zigot ingkang tuwuh dados oospora.[2]
Habitat
[besut | besut sumber]Oomycota saged gesang ing toya utawi panggénan-panggénan anyep lan gadhah oospora minangka kasil saking spora.[1] Spora ingkang dikasilaken déning zigot ingkang dhindhinipun kandel punika gadhah kagunan minangka pangayom. Ing kaanan tartamtu, spora tuwuh dados hifa énggal.[1] Sapérangan jamur toya punika minangka pengurai ingkang gesang wonten ing kempalan kapas.[1] Padatanipun, jamur punika pinanggih ing badan kéwan utawi alga ingkang sampun mati, mliginipun ing toya tawar.[1] Oomycota punika pengurai ingkang wigati sanget ing ékosistem toya]].[1] Padatanipun Karat putih kaliyan jamur wulu alus gesang ing siti minangka parasit ing tetuwuhan.[1]
Réprodhuksi
[besut | besut sumber]Oomycota gadhah teges telur jamur. Prekawis kasebat adhédhasar ing wujud réprodhuksi sèksual ing Oomycota.[3] Wujud sèl endhog langkung ageng tinimbang spermanipun. Dhindhing sèl Oomycota kasusun kaliyan selulosa.[3] Wonten ing siklus gesangipun, mliginipun ing tahap réprodhuksi punika, Oomycota ngasilaken spora ingkang gadhah flagela.[3] Kathahipun anggota saking golongan Oomycota ngasilaken oogonia nalikanipun réprodhuksi.[3][4] Sawetawis réprodhuksi Oomycota sanèsipun mawi cara aseksual migunakaken zoospora.[3][4] Nalika prosès réprodhuksi punika, zoospora obah kanthi nglangi ingkang rikat. Prastawa punika kadadosan ing salebetipun toya.[3]
Klasifikasi
[besut | besut sumber]Tuladha Oomycota inggih punika Phytophthora, Saprolegnia, kaliyan Pythium.[5] Phytophthora inggih punika jamur karat putih ingkang gesang mawi saprofit utawi parasit. Jamur ingkang gesang kanthi cara parasit punika, tuladhanipun ing krambil (klapa,P. palmifera), mbako (P. nicotin), lan kenthang (P. infestans).[5] Saprolegnia gadhah miselium kaliyan hifa minangka piranti réprodhuksi. Jamur punika minangka saprofit ing kéwan toya ingkang sampun pejah.[5]
- Saprolegnia sp, gesang mawi cara saprofit ing bathang gegremet ingkang pejang ing toya.[5]
- Phytopthora infestan, parasit ing taneman kenthang.[5]
- Phytopthora nicotinae, parasit taneman mbako.[5]
- Phytopthora faberi, parasit ing taneman karèt.[5]
- Pytium sp, parasit ing taneman ingkang nembé nyambah.[5]
Peran
[besut | besut sumber]Oomycota punika gadhah peran kanthi ékonomi ugi ilmiah. Kathah anggptanipun ingkang dados patogen ing taneman ingkang mbebayani.[5] Phytophthora njalari lelara layu bibit, hawar kenthang, lan busuk akar. Pythium ugi maringi tandha-tandha lelara ingkang sami.[5] Peronospora lan Peronosclerospora inggih punika organisme ingkang njalari lelara bulai ing sawatawis serealia ingkang njalari karugian ngantos 100%.[5]
Cathetan suku
[besut | besut sumber]- ↑ a b c d e f g h i Karmana, Orman. 2007. Cerdas Belajar Biologi untuk Kelas X. Bandung: Grafindo (kaca 66-67)
- ↑ a b c d Protista Mirip Jamur (dipunundhuh 8 Maret 2013)
- ↑ a b c d e f Protista mirip Jamur Archived 2013-03-04 at the Wayback Machine. (dipunundhuh 8 maret 2013)
- ↑ a b Oomycota(dipunundhuh 8 Maret 2013)
- ↑ a b c d e f g h i j k Jamur Air Oomycota Archived 2013-03-07 at the Wayback Machine.(dipunundhuh 8 Maret 2013)