Oomycota

Saka Wikipédia Jawa, bauwarna bébas abasa Jawa
Oomycetes
Klasifikasi èlmiah
Krajan: Protista
Filum: Heterokontophyta
Kelas: Oomycetes
Ordo

Lagenidiales
Leptomitales
Peronosporales
Pythiales
Rhipidiales
Saprolegniales
Sclerosporales

Oomycota ugi kawastanan jamur air inggih punika salah satunggaling filum saking Protista ingkang mèmper jamur.[1]. Nama Oomycota punika asalipun saking tembung oo ingkang tegesipun tigan (endhog) kaliyan tembung mycota ingkang tegesipun jamur.[1] Pramila, Oomycota ugi dipuntepang kaliyan peparab fungi telur. Peparab kasebat ugi nedahaken tumrap cara réprodhuksi Oomycota mawi seksual.[1] Tuladha saking filum Oomycota inggih punika jamur air (water mold), karat putih (white rust), kaliyan jamur berbulu halus (downy mildew). Déné tuladha spesiesipun inggih punika Saprolegnia.

Ciri-Ciri[besut | besut sumber]

  1. Benang-benang hofa boten nggadhahi sekat ingkang malang (senositik), sanégga ing salebetipun saged dipunpanggihi inti mawi gunggung ingkang kathah.[2]
  2. Dhindhing sèl kasusun saking selulosa.[2]
  3. Nindakaken réprodhuksi aseksual mawi mbenti zoospora ingkang nggadhaho flagela 2 kanggé nglangi ing salebetipun toya.[2]
  4. Nindakaken réprodhuksi mawi cara seksual, inggih punika mbentuk gamet (sel kelamin) sasampunipun fertilisasi bakal kawentuk zigot ingkang tuwuh dados oospora.[2]

Habitat[besut | besut sumber]

Oomycota saged gesang ing toya utawi panggénan-panggénan anyep lan nggadhahi oospora minangka kasil saking spora.[1] Spora ingkang dikasilaken déning zigot ingkang dhindhinipun kandel punika nggadhahi kagunan minangka pangayom. Ing kahanan tartamtu, spora tuwuh dados hifa énggal.[1] Sapérangan jamur toya punika minangka pengurai ingkang gesang wonten ing kempalan kapas.[1] Padatanipun, jamur punika dipuntemokaken ing badan kéwan utawi alga ingkang sampun mati, mliginipun ing toya tawar.[1] Oomycota punika pengurai ingkang wigati sanget ing ekosistem toya]].[1] Padatanipun Karat putih kaliyan jamur berbulu halus gesang ing siti minangka parasit ing tetanduran.[1]

Réprodhuksi[besut | besut sumber]

Oomycota nggadhahi teges telur jamur. Prekawis kasebat adhédhasar ing wujud réprodhuksi seksual ing Oomycota.[3] Wujud sèl endhog langkung ageng tinimbang spermanipun. Dhindhing sèl Oomycota kasusun kaliyan selulosa.[3] Wonten ing siklus gesangipun, mliginipun ing tahap réprodhuksi punika, Oomycota ngasilaken spora ingkang nggadhahi flagela.[3] Kathahipun anggota saking klompok Oomycota ngasilaken oogonia nalikanipun réprodhuksi.[3][4] Sawetawis réprodhuksi Oomycota sanèsipun mawi cara aseksual migunakaken zoospora.[3][4] Nalika prosès réprodhuksi punika, zoospora obah kanthi nglangi ingkang rikat. Prastawa punika kadadosan ing salebetipun toya.[3]

Klasifikasi[besut | besut sumber]

Tuladha Oomycota inggih punika Phytophthora, Saprolegnia, kaliyan Pythium.[5] Phytophthora inggih punika jamur karat putih ingkang gesang mawi saprofit utawi parasit. Jamur ingkang gesang kanthi cara parasit punika, tuladhanipun ing krambil (klapa,P. palmifera), mbako (P. nicotin), lan kenthang (P. infestans).[5] Saprolegnia nggadhahi miselium kaliyan hifa minangka alat réprodhuksi. Jamur punika minangka saprofit ing kéwan toya ingkang sampun pejah.[5]

  • Saprolegnia sp, gesang mawi cara saprofit ing bathang srangga ingkang pejang ing toya.[5]
  • Phytopthora infestan, parasit ing taneman kenthang.[5]
  • Phytopthora nicotinae, parasit taneman mbako.[5]
  • Phytopthora faberi, parasit ing taneman karet.[5]
  • Pytium sp, parasit ing taneman ingkang nembé nyambah.[5]

Peran[besut | besut sumber]

Oomycota punika nggadhahi peran kanthi ékonomi ugi ilmiah. Kathah anggptanipun ingkang dados patogen ing taneman ingkang mbebayani.[5] Phytophthora njalari penyakit layu bibit, hawar kenthang, lan busuk akar. Pythium ugi maringi gejala penyakit ingkang sami.[5] Peronospora lan Peronosclerospora inggih punika organisme ingkang njalari penyakit bulai ing sawetawis serealia ingkang njalari karugian ngantos 100%.[5]

Cathetan suku[besut | besut sumber]

  1. ^ a b c d e f g h i Karmana, Orman. 2007. Cerdas Belajar Biologi untuk Kelas X. Bandung: Grafindo (kaca 66-67)
  2. ^ a b c d (id)Protista Mirip Jamur (dipunundhuh 8 Maret 2013)
  3. ^ a b c d e f (id)Protista mirip Jamur (dipunundhuh 8 maret 2013)
  4. ^ a b Oomycota(dipunundhuh 8 Maret 2013)
  5. ^ a b c d e f g h i j k Jamur Air Oomycota(dipunundhuh 8 Maret 2013)
Sumber artikel punika saking kaca situs web: "https://jv.wikipedia.org/w/index.php?title=Oomycota&oldid=1097842"