Omurice

Omurice

Omurice (オムライス, omurais^?) ya iku panganan Jepang lan Koréa Kidul wujud sega kang digoreng karo saos tomat lan diungkus endhog goreng omelet. Jeneng panganan iki asalé saka tembung omelet lan rice (sega). Ing ndhuwuring omurice padatan diwènèhi saos tomat sithik utawa saus demiglace supaya katon luwih apik.

Sega kanggo omurice padatan diwènèhi daging pitik, urang, iwak nus, jamur, lan bawang bombay. Chicken rice iku jenengan liya sega kanggo omurice kang nganggo daging pitik lan saos tomat.

Sega omurice ditata ing ndhuwure endhog dadar setengah mateng kang digawé ing wajan, banjur wajan diobahake kaya déné arep diwalik, dadi sega bisa kaungkus déning endhog. Omurice kang digawé ing omah-omah padatan nganggo teknik ngungkus sega karo endhog kang luwih gampang ya iku nganggo cara malik wajan ing piring.

Omurice wiwitan digawé kanggo tamu restoran Hokkyokusei ing Namba, Osaka kang lara weteng. Ana uga carita liya kang ngandharake bilih omurice tinemu luwih ndhisik déning restoran Renga-tei ing Ginza, Tokyo watara abad kaping 19.

Omukare ya iku variasi omurice nganggo duduh kari, déné Omuhayashi ya iku variasi omurice nganggo saos Hayashi rice. Omusoba ya iku Yakisoba kang diungkus omelet.

Pranala njaba

• Omuraisu