Omar Dani

Saka Wikipédia Jawa, bauwarna mardika basa Jawa
Marsekal Madya

Omar Dani
Mantri/Panglima Angkatan Udara
Linggih
1962 – 1965
Kang sadurungéSoerjadi Soerjadarma
Kang sawiséSri Mulyono Herlambang
Rerincèn dhiri
Lair(1924-01-23)23 Januari 1924
Surakarta,Karaton Surakarta Hadiningrat, Indhiya Nèderlan
PatiJuli 24, 2009(2009-07-24) (umur 85)
Indhonésia Jakarta, Indonésia
BangsaIndonésia
SisihanSri Wuryanti
Anak6
ProfésiWadya
AgamaIslam

Marsekal Madya TNI Purn. Omar Dhani (lair ing Sala, Jawa Tengah, 23 Januari 1924 – pati ing Jakarta, 24 Juli 2009 ing umur 85 taun) inggih punika Kepala Staf TNI Angkatan Udara période 1962 - 1965. Piyambakipun minangka putra saking KRT Reksonegoro, Asisten Wedana Gondangwinangun, Klaten. Taun 1956, piyambakipun pikantuk tugas sinau wonten ing Royal Air Force Staff College ing Andover, Inggris.

Masa Remaja[besut | besut sumber]

Omar Dhani miwiti pendidikan wonten ing Hollandsch Inlandsche School (HIS) Klaten, Jawa Tengah taun 1937. Lajeng wonten ing SMA Negeri 1 Surakarta lan Meer Uitgebreid Lager Onderwijs (MULO) Kristen Sala taun 1940. Nalika taun 1942, Omar mlebet Algemeene Middlebare School (AMS) B wonten ing Yogyakarta.

Karier[besut | besut sumber]

Beliau ndhérék sarta wonten ing sapérangan tugas operasi militèr, kados ta wonten ing PRRI ing Sumatera. Lajeng Omar Dhani dados Mantri/Kepala Staf Angkatan Udara nggantosaken Laksamana Udara Surjadi Suryadarma nalika taun 1962. Saderengipun gadhah kalungguhan pucuk wonten ing TNI Angkatan Udara minangka Marsekal, Panglima Angkatan Udara ing era Présidhèn Soekarno (1962-1965), Omar Dhani naté miwiti kariér minangka penyiar basa Inggris ing Kementerian Penerangan lan RRI Jakarta miwit taun 1946 dumugi 1947.

Kagayutan kaliyan 30 September[besut | besut sumber]

Nama Omar Dhani medal wonten ing kasus pemberontakan G30S/PKI. Piyambakipun dipunadili wonten ing Sidang Mahkamah Militer Luar Biyasa (Mahmilub) lan dipunvonis hukuman mati nalika wulan Dhésèmber 1966.[1] Nanging sasampunipun punika, sesarengan kaliyan Soebandrio, piyambakipun pikantuk grasi ingkang dipunwedalaken nalika 2 Juni 1995. Pungkasanipun, gawra saking Sri Wuryanti punika saged bébas nalika tanggal 15 Agustus 1995. Nalika taun beliau katudhuh kagayut kaliyan Prastawa G-30-S amargi Landasan Udara Halim Perdanakusumah ingkang wonten ing sangandhapipun wewengan piyambakipun dipundadosaken papan gladhen Pemuda Rakjat onderbouw PKI[2]. Piyambakipun dipuntudhuh nglirwakaken lan maringi papan gladhén kanggé para Pemuda Rakjat lan ingkang dipuntudhuh PKI ing kawasan Halim ingkang minangka laladan kekuasaanipun nalika samanten.

Tilar Donya[besut | besut sumber]

Omar Dhani tilar donya tabuh 13.55 WIB nalika dinten Jumat 24 Juli 2009 sasampunipun dipunrawat 2 dinten ing RSPAU amargi sampun sepuh. Omar Dhani dipunmangertosi gerah radang paru-paru.[3] Jenazah kasarékaken wonten ing TPU Jeruk Purut.

Cathetan suku[besut | besut sumber]

  1. http://www.tokohindonesia.com/tokoh/article/282-ensiklopedi/83-omar-dhani Archived 2012-02-05 at the Wayback Machine. "Cemerlang Nanging Dicurigai" Bio Omar Dhani di Ensiklopedi Tokoh Indonésia
  2. B. ANDERSON, R. MCVEY, "A Preliminary Analysis of the October 1, 1965 Coup in Indonésia", Equinox Publishing, Jakarta, 2009
  3. Mantan KASAU Omar Dhani Meninggal, dipunundhuh tanggal 17 Pebruari 2013

Pranala NJaba[besut | besut sumber]

Didhisiki déning:
Soerjadi Soerjadarma
{{{jabatan}}}
1962-1965
Diganti déning:
Sri Mulyono Herlambang