Gaman nuklir

Awan cendawan pangeboman Nagasaki, Jepang, 1945, munggah dhuwur tekan 18 km sandhuwuré hiposentrum.

Gegaman nuklir iku gegaman sing éntuk tenaga saka reaksi nuklir lan duwé daya pamusnah sing ngédab-édabi - sawijining bom nuklir bisa musnahaké sawijining kutha. Gegaman nuklir wis dipigunakaké mung kaping pindho jroning peperangan - samangsa Perang Donya II déning Amérika Sarékat marang kutha-kutha Jepang, Hiroshima lan Nagasaki. Ing wektu iku daya jeblugan bom nuklir sing ditibakké ing Hiroshima lan Nagasaki gedhéné 20 kilo(ewon) ton TNT. Kamangka bom nuklir saiki duwé daya jeblug luwih saka 70 mega(yutan) ton TNT

Negara pamilik gegaman nuklir sing dikonfirmasi yaiku Amérika Sarékat, Rusia, Britania Raya (Inggris), Prancis, Republik Rakyat Cina, India, Korea Lor lan Pakistan. Saliyané iku, negara Israel dipercaya duwé gegaman nuklir, senajan ora diuji lan Israel ora gelem ngonfirmasi yèn duwé gegaman nuklir utawa ora. Delengen dhaptar negara mawa gegaman nuklir luwih lanjut.

Wangun bom nuklir sing ditibakké ing Hiroshima lan Nagasaki

Gegaman nuklir saiki bisa diluncuraké liwat manéka cara, kayata liwat montor mabur pangebom, pluru kendhali, pluru kendhali balistik, lan pluru kendhali balistik let bawana.

Pranala njaba

• The 61st Hiroshima Day (Pèngetan bom Hiroshima).