Bèg

Sajeroning ulah raga bal-balan, Bèk iku juru main kang posisiné ana ing mburi para gelandang lan tugasé njurung marang tugas Kiper kanggo nyegah supaya bal ora mlebu gawang.

Ana sawetara jinis bèk, ya iku: bèk tengah, bèk sayap (full back/wing back), lan libero (sweeper). Para bèk lumrahé awaké gedhé lan rosa, lan racaké dedegé uga dhuwur, sanadyan ana uga bèk kang dedegé cendhèk nanging suksès (racaké bèk sayap kang ora pati mbutuhaké dedeg kang dhuwur). Kabèh bèk kudu pinter main tèkel (tackle) lan perlu duwé keahlian panguwasaan bal kang cukup apik.

Para bèk racaké njaga ing paruh lapangan dhéwé. Bèk kang dhuwur kadhang maju mangarep menyang kothak penalti tim mungsuh wektu tim-é ngayahi tendhangan pojok utawa tendhangan bébas awit ana kamungkinan nyétak gol kanthi sundhulan sirah.

Sawetara bèk misuwur

• Tony Adams
• Franz Beckenbauer
• Cafu
• Fabio Cannavaro
• Roberto Carlos
• Ivan Cordoba
• Marcel Desailly
• Rio Ferdinand
• Hong Myung-Bo
• Paolo Maldini
• Alessandro Nesta
• Jaap Stam
• Lilian Thuram

Uga delengen

• Posisi sajeroning bal-balan