Kamentrian Dalam Negri Republik Indonésia

Saka Wikipédia Jawa, bauwarna mardika basa Jawa
Lambang Kamentrian Dalam Negeri Républik Indonésia

Kamentrian Dalam Negeri, dicekak Kemendagri, iku kamentrian ing Pamaréntah Indonésia kang mbidangi urusan dalam nagari (jero nagara). Kemendagri dibawahi Mantri Dalam Negeri (Mendagri) kang wiwit tanggal 23 Oktober 2019 diwengku déning Jénderal Polisi (Purn.) Tito Karnavian.

Kemendagri minangka salah siji saka telu kamentrian (bebarengan karo Kemlu lan Kemhan) kang disebutaké kanthi eksplisit sajeroning UUD 1945. Kemendagri ora bisa diowahi utawa dibubarkna déning présidhèn.

Sajarah[besut | besut sumber]

Jaman Hindia Walanda[besut | besut sumber]

Diwiwiti saka jaman Hindhia Walanda nganti taun 1942, Kemendagri karan Departement van Binnenlands Bestuur kang babagan tugasé ngambah Jabatan Kapulisèn, Transmigrasi, lan Agraria.

Jaman Jepang[besut | besut sumber]

Sabanjuré ing jaman pendhudhukan Jepang (taun 1942-1945). Departement van Binnenland Bestuur déning pamaréntah Jepang diowahi dadi Naimubu kang babagan tugasé ngambah uga urusan agama, sosial, kaséhatan, pendhidhikan, pengajaran lan kabudayan. Naimubu utawa Kamentrian Dalam Negeri duwé kantor ing Dalan Sagara nomer 7, Jakarta nganti Proklamasi tanggal 17 Agustus 1945.

Ing tanggal 19 Agustus 1945, Naimubu dipecah dadi:

  1. Kamentrian Dalam Negeri kalebu urusan agama, kang sajeroning perkembangan sabanjuré urusan agama diculaké saka Kamentrian Dalam Negeri.
  2. Kamentrian Sosial
  3. Kamentrian Kaséhatan.
  4. Kamentrian Pendidikan, pengajaran lan kabudayan.

Jaman Kamardikan[besut | besut sumber]

Lambang Kamentrian Dalam Negeri Républik Indonésia (2009–2020)

Departeman Dalam Negeri iku terusan saka Kamentrian Dalam Negeri kang diwangun wektu Kabinet Presidensial kang pisanan Nagara Républik Indonésia ing taun 1945. Jeneng Departemen dianggo magepokan karo surat Edaran Pisanan tanggal 26 Agustus 1959 No.1/MPR/RI/1959. Departemen Dalam Negeri ing Kabinet Pembangunan, dikukuhaké adhdhasar Kaputusan Présidhèn RI No. 183 taun 1968.

Lan wiwit madegé Kemendagri kang asalé saka Kabinet Presidensial nganti Kabinet Indonésia Bersatu wis kerep ganti mantri kang mengku Jabatan ing Kamentrian Dalam Negeri.[1]

Uga delengen[besut | besut sumber]

Réferènsi[besut | besut sumber]

  1. "Archive copy". Diarsip saka sing asli ing 2009-08-20. Dibukak ing 2009-08-29.{{cite web}}: CS1 maint: archived copy as title (link)

Pranala njaba[besut | besut sumber]

Cithakan:Departemen Dalam Negeri