Martha Tilaar

Saka Wikipédia Jawa, bauwarna mardika basa Jawa
Martha Tilaar
Rerincèn dhiri
Lair4 Sèptèmber 1937 (umur 86)
Kebumen, Jawa Tengah
SisihanH.A.R Tilaar
AnakBryan Emil Tilaar
Pinkan Tilaar
Wulan Tilaar
Kilala Tilaar
PanggaotaChairman
Chief Executive Officer
Pamrakarsa Adheging Martha Tilaar Group
AgamaKatolik

Martha Tilaar (miyos ing Kebumen, Jawa Tengah, 4 September 1937) inggih punika salah satunggaling wanita ingkang dados pengusaha sukses ing jagad bisnis kosmètik lan jamu tradhisional. Mèrk dagangipun anama Sariayu.[1] Panjenenganipun dhaup palakarami kaliyan Prof. DR. H.A.R Tilaar lan patutan sekawan inggih punika, Bryan Emil Tilaar, Pinkan Tilaar, Wulan Tilaar,lan Kilala Tilaar.[2]
Nalika taksih timur, Martha kuliah wonten ing jurusan sajarah, IKIP Negeri Jakarta. Panjenenganipun lulus taun 1962 lajeng ngasta wulangan sajarah. Ibunipun Martha tansah ngèmutaken bilih minangka guru, Martha kedah katon saé wonten sangajenging murid-murid.[3]. Salajengipun Martha dipunpeksa déning ibunipun supados ndhèrèk les dandan. Wekdal samanten panjenenganipun ngangsu kawruh kaliyan Titi Purwosoenoe. Wiwit saking punika, Martha Tilaar tresna dhumateng jagading dandan.[3]
Martha ugi naté sinau wonten ing Academy of Beauty Culture, Bloomington, Indiana, Amérikah Sarékat nalika ndherèkaken garwa tugas belajar.[2][3] Martha ugi naté dados salesgirl produk kosmetik Avon. Wanita ingkang pikantuk gelar Dhoktor Kormatan (Honoris Causa) wonten ing babagan Fashion and Artistry saking World University Tuscon, Arizona, Amérikah Sarékat taun 1984 punika miwiti bisnis saking nol.[2]
Tanggal 3 Januari 1970,Martha ndamel salon ing garasi dalemipun tiyang sepuhipun Martha ing Menteng, Jakarta. Salon punika dipuntengeri "Martha Salon". Salon punika minangka cikal bakaling tuwuhing Sariayu Martha Tilaar.

Cathetan suku[besut | besut sumber]

  1. Profil Martha Tilaar (dipuntingali 31 Juli 2011)
  2. a b c Sariayu Bermula Dari Garasi Archived 2011-08-11 at the Wayback Machine. (dipuntingali 31 Juli 2011)
  3. a b c Martha Tilaar: Membangun Istana Kecantikan Dari Garasi Archived 2010-08-02 at the Wayback Machine. (dipuntingali 31 Juli 2011)