Lupus (rasi lintang)

Saka Wikipédia Jawa, bauwarna bébas abasa Jawa
LUPUS

Peta Lupus
Cekakan Lup
Genitif Lupi
Asensio rekta 15.3
Deklinasi −45
Area 334 derajad pesagi (#46th)
Lintang utama 9
Lintang
Bayer/Flamsteed
41
Lintang
mawa planèt
5
Lintang padhang 3
Lintang cedhak 1
Lintang paling padhang α Lup (Men) (2.30m)
Lintang paling cedhak LHS 397 ( tc)
Obyèk Messier 0
Rasi lintang
sing wewatesan
Norma
Scorpius
Circinus
Centaurus
Libra
Hydra (corner)
Katon antara lintang +35° lan −90°.
Katon paling cetha ing wektu 21.00 jroning sasi June.
'

Lupus (/[unsupported input]ˈljuːpəs/ inggih punika salah satunggaling rasi lintang ingkang mapan wonten ing belahan langit sisih kidul. Ing basa Latin, lupus gadhah teges "srenggala". Rasi lintang Lupus punika dipuntepangaken sepisanan déning astronom Yunani inggih punika Ptolemy wonten ing abad kaping kalih lan kalebet 88 rasi lintang ingkang dipunakeni déning International Astronomical Union. Lupus inggih ugi kalebet salah satunggaling péranganing rasi lintang Centaurus, ingkang rasi lintang punika nggambaraken satunggaling kéwan ingkang dipuntubles ing saka déning centaur, ingkang nyepeng wonten arah rasi lintang Ara ("altar") saéngga katingal kados badhé dipunkorbanaken. Lupus punika rasi lintang ingkang wonten ing antawisipun rasi lintang Centaurus lan Scorpius.

Lintang - lintang[besut | besut sumber]

Rasi lintang Lupus gadhah tlatah ingkang ambanipun kirang langkung 334 drajat persegi lan ngewrat kalih lintang ingkang dipunmangertosi minangka planit- planit. Rasi lintang Lynx saged dipuntingali wonten ing garis lintang ing antawisipun +35° lan -90° lan badhé katingal saé dipuntingali ing jam 9 dalu ing salebeting sasi Juni. Lupus ngewrat kirang langkung 30 lintang ingkang gadhah magnitudo kalih lan tiga, nanging boten gadhah lintang kanthi magnitudo satunggal. Déné lintang - lintang ingkang wonten ing rasi lintang Lupus ing antawisipun inggih punika:

  • Alpha Lupi, inggih punika lintang ingkang paling padhang wontan ing rasi lintang Lupus, ingkang kalebet klasifikasi raksasa biru minangka variabel Beta Cephei.
  • Beta Lupi inggih ugi minangka raksasa biru, ingkang tebihipun kirang langkung 524 taun cahya saking bumi lan ugi dipunmangertosi kanthi nama Ke Kwan ("the cavalry officer") ing Cina.[1]
  • Gamma Lupi inggih punika kalebet lintang binar kanthi raksasa biru sanèsipun minangka komponèn ingkang wigati, lan delta Lupi ingkang minangka sub raksasa biru pethak, ingkang ugi dipunidhentifikasi minangka variabel Beta Cephei.

Objek Langit Lebet[besut | besut sumber]

Lupus inggih minangka dados griya saking kathah kluster ingkang dipunmangertosi lan ugi objek langit pérangan lebet. NGC 5824 lan NGC 5986 inggih punika kalih globular clusters, ingkang kapanggih déning James Dunlop ing abad kaping 19. Nebula peteng IC B 228, inggih satunggaling awan ingkang ngewrat lebu lan gas blocking light, ingkang mapan caket kaliyan NGC 5986.[2]

Lupus inggih ugi taksih kalebet wonten ing kulawarga rasi lintang Hercules sesarengan kaliyan rasi lintang Hercules, Sagitta, Aquila, Lyra, Cygnus, Vulpecula, Hydra, Sextans, Crater, Corvus, Ophiuchus, Serpens, Scutum, Centaurus, Corona Australis, Ara, Triangulum Australe lan Crux.[3] Déné rasi lintang ingkang wonten ing sakiteripun Lupus inggih punika rasi lintang Norma, Scorpius, Circinus, Centaurus, Libra lan Hydra.

Cathetan suku[besut | besut sumber]

  1. ^ Moore, P., (1983). The Guinness Book of Astronomy Facts and Feats (ed. Second). Middlesex: Guinness Superlatives Ltd. k. 223. ISBN 0-85112-291-4. 
  2. ^ Wilkins, Jamie; Dunn, Robert (2006). 300 Astronomical Objects: A Visual Reference to the Universe (ed. 1st). Buffalo, New York: Firefly Books. ISBN 978-1-55407-175-3. 
  3. ^ Lupus(dipunundhuh tanggal 17 Pebruari 2013)