Lee Man Fong
Lee Man Fong (wiyos wonten ing Guangdong, Cina, 14 November 1913-séda ing taun 1988) punika satunggaling tokoh seni lukis Jakarta ingkang naté dados pelukis ing Astana Nagara [1] sesarengan kaliyan Lim Wasim lan Dullah nalika masa papréntahan kapresidenan Soekarno [2].
Karir[besut | besut sumber]
Nalika umur 3 taun Lee Man Fong dipunbeta kaliyan bapakipun ingkang dados penyadé dhateng Singapura. Wonten ing Singapura Lee Man Fong dipundidik wonten ing sekolah Cina Inggris dumugi taun 1929 nalika bapakipun séda. Ing taun 1932 Lee Man Fong tindak dhateng Indonésia, makarya ing Jakarta minangka éditor seni satunggaling majalah Cina. Lajeng makarya dados désainer ing pérangan percetakan lan firma panerbit Kolfand Company [3].
Kalih taun salajengipun damel agèn adventensi lan nyambut damel dados seniman komersial. Taun 1949 pamaréntah Walanda paring anungrah béasiswa Malino dhateng Lee Man Fong 3 taun kanggé sinau ing Walanda lan kondur malih dhateng Indonésia taun 1952. Lajeng nyambut damel dados èditor seni ing Nanyang Post, satunggaling majalah mawi gambar ingkang terbit ing Jakarta. Lee Man Fong ing taun 1955 damel Asosiasi Seniman Yin Hua minangka ketuanipun [3].
Nalika taun 1936, pangarsaning Hindia Walanda ing Batavia ngundang Asosiasinipun kanggé ndhèrèk partisipasi wonten ing satunggaling paméran, Lee Man Fong punika artis non-Walanda kapisan ingkang pikantuk undangan punika. Lee Man Fong ugi naté wonten ing Bali, ing Bali karya-karyanipun kathah dipunpengaruhi déning karya Willem Hofker. Lajeng ngawontenaken pameran tunggal ing Jakarta nalika taun 1941. Ing taun 1942 Lee Man Fong naté dipunpenjara amargi nentang dhateng kolonialisme Jepang ing Indonésia. Dipunpenjara kanthi dangu 6 wulan, nanging dipunbiyantu medal déning Takahashi Masao satunggaling perwira Jepang ingkang tertarik kaliyan potensi artistikipun Lee Man Fong [4].
Taun 1956, Lee Man Fong mimpin rombongan Yin Hua dhateng Tiongkok. Taun 1961 dados pelukis astana déné Lim Wasim dados asistenipun. Soekaro lan Ratna Sari Dewi ingkang remen dhateng seni lukis saéngga paring dampak dhateng Lee Man Fong. Ing taun 1964, Ratna Sari Dewi kasil nglampahi hobi ing Jepang saéngga sapérangan kolèksi Soekarno ingkang dipundamel buku dipuncetak ing Jepang, Percetakan Toppan, Tokyo. Buku punika dipunsusun déning Lee Man Fong kanthi kualifikasi cétak ingkang caket kaliyan sampurna [5].
Ugi pirsani[besut | besut sumber]
Cathetan suku[besut | besut sumber]
- ↑ [1] Archived 2013-03-03 at the Wayback Machine. (id) Tokoh-tokoh seni lukis (dipun-akses tanggal 15 Januari 2013)
- ↑ [2][pranala mati permanèn] (id) Tokoh Tionghoa-Indonésia yang berpengaruh pada pulitik di Indonésia (dipun-akses tanggal 15 Januari 2013)
- ↑ a b [3][pranala mati permanèn] (id) Lee Man Fong (dipun-akses tanggal 15 Januari 2013)
- ↑ [4][pranala mati permanèn] (id) Pelaku seni-Lee Man Fong (dipun-akses tanggal 15 Januari 2013)
- ↑ [5][pranala mati permanèn] (id) Tokoh wigati dan inspiratif Tionghoa di Indonésia (dipun-akses tanggal 15 Januari 2013)