Lèker

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Lèker saka kutha Sala

Lèker iku jinis panganan jajan sing wujudé kaya kaya serabi sing dilempit nanging luwih gurih lan tipis. Saiki sing ana dodolan lèker mung ana ing kutha-kutha gedhé, kaya contoné Jakarta, Sala, Yogyakarta, Surabaya, lan liya-liyané.

Sajarah[besut | besut sumber]

Mulané lèker iku panganan tinggalané Walanda sing diarani crêpe. Mula bukane diarani leker, nalika semana para penggedhe Walanda sing ngicipi jajanan iki kok padha muni "Lèker...lèker" (basa Walanda lekker) sing tegesé "énak...énak". Gandheng juru masak pribumi ora ngerti basa Walanda,mula tembung leker sabanjuré dilestarikake kanggo tetenger jajanan sing memper crepe mau.Jaman semana leker uga wis mlebu menyang jero témbok karaton.

Cara nggawéné[besut | besut sumber]

Ora angèl, bahané mung glepung beras, endhog, gula, gedhang raja, lan susu kenthel.Déné panggawéne,wajan panas dioseri lenga klapa,glepung beras sing wis dijladeni karo gula lan endhog banjur didadar tipis. Tengahe diwènèhi irisan gedhang raja lan susu kenthel. Dikira-kira wis anget banjur dilempit dadi loro. Gawe leker iku gedhange kudu gedhang raja. Saliyané rasané legi uga ngandhut aroma sing khas.Yèn gedhange ora gedhang raja durung kena diarani leker.

Réferènsi[besut | besut sumber]

  • Jaya Baya 42/LX 18-24 Juni 2006