Kurdhistan

Saka Wikipédia Jawa, bauwarna bébas abasa Jawa
Tanah Kurdhi

Kurdhistan (cara Kurdhi: [ˌkurdɪˈstan]; "Tanah wutah getihé wong Kurdhi" utawa "Tanah Kurdhi";[1] ing basa Inggris biyèn uga diéja Curdistan;[2][3] lan jeneng kunané: Corduene[4][5][6][7][8][9][10]) utawa Kurdhistan Magung, ya iku wewengkon géo-budayané wong-wong Kurdhi minangka cacah jiwa mayoritas ing kono.[11] Wewengkon iki dadi asalé budaya, basa, saha jatidhiri nasional wong Kurdhi.[12] Kurdhistan nyrambahi pagunungan Zagros Lor-Kulon lan Taurus Wétan.[13]

Ing wektu iki, panganggoné istilah Kurdhistan ngrujuk patang pérangané Kurdhistan Magung, sing dumadi Turki Kidul-Wétan (Kurdhistan Lor), Suriah (Rojava utawa Kurdhistan Kulon), Irak (Kurdhistan Kidul), lan Iran Lor-Kulon (Kurdhistan Wétan).[14][15] Sawenèh golongan nasionalis Kurdhi ngupadi nedya yasa sawiji nagara mardika sing dumadi sapérangan utawa sakabéhing wewengkon kanthi mayoritas Kurdhi iku, déné golongan liyané nyruwé njaluk setatus swatantra mirunggan ing sajeroning nagara-nagara sing saiki dienggoni wong Kurdhi.[16][17]

Kurdhistan Irak iku sing pisanan éntuk setatus swatantra sarana kasarujukan taun 1970 karo pamaréntah Irak. Setatusé iku dikukuhaké manèh ing taun 2005 minangka swatantra sajeroning Républik Irak.[18] Ana sawijining provinsi ajeneng Kurdhistan ing Iran sing ora swatantra. Wong-wong Kurdhi sing alaga ing Perang Sipil Suriah kasil njupuk kendhali sapérangan gedhé wewengkon Suriah Lor krana wadya sing setya marang Bashar al-Assad mundhur saka palagan. Kasil mangun pamaréntahané dhéwé, saparo wong Kurdhi njaluk swatantra ing Suriah, déné saparo liyané ngarepaké murih Kurdhistan bisa mardika[19]

Tegesing tembung-tembung[besut | besut sumber]

Ana ing ngisor iki tembung-tembung Jawa sing dianggo ing artikel iki, dikanthèni jarwané ing basa Indonésia lan Inggris.

  1. alaga - berperang - to fight
  2. cacah jiwa - populasi - population
  3. dumadi - tediri dari - to include
  4. kasarujukan - kesepakatan - agreement
  5. ngupadi - berupaya - to seek for
  6. yasa - mendirikan - to establish
  7. nyrambahi - mencakup - to encompass
  8. nyruwé - menyuarakan - to campaign for
  9. palagan - medan perang - battlefield
  10. setya - setia - loyal
  11. swatantra - otonom - autonomous
  12. tanah wutah getih - tanah air - homeland
  13. wadya - tentara - force

Rujukan[besut | besut sumber]

  1. ^ "Kurdistan". Encyclopaedia Britannica Online. Dijupuk 2010-07-29. 
  2. ^ The Edinburgh encyclopaedia, conducted by D. Brewster—Page 511, Original from Oxford University—published 1830
  3. ^ An Account of the State of Roman-Catholick Religion, Sir Richard Steele, Published 1715
  4. ^ N. Maxoudian, Early Armenia as an Empire: The Career of Tigranes III, 95–55 BC, Journal of The Royal Central Asian Society, Vol. 39, Issue 2, April 1952 , pp. 156–163.
  5. ^ A.D. Lee, The Role of Hostages in Roman Diplomacy with Sasanian Persia, Historia: Zeitschrift für Alte Geschichte, Vol. 40, No. 3 (1991), pp. 366–374 (see p.371)
  6. ^ M. Sicker, The pre-Islamic Middle East, 231 pp., Greenwood Publishing Group, 2000, (see p.181)
  7. ^ J. den Boeft, Philological and historical commentary on Ammianus Marcellinus XXIII, 299 pp., Bouma Publishers, 1998. (see p.44)
  8. ^ J. F. Matthews, Political life and culture in late Roman society, 304 pp., 1985
  9. ^ George Henry Townsend, A manual of dates: a dictionary of reference to the most important events in the history of mankind to be found in authentic records, 1116 pp., Warne, 1867. (see p.556)
  10. ^ F. Stark, Rome on the Euphrates: the story of a frontier, 481 pp., 1966. (see p.342)
  11. ^ Zaken, Mordechai (2007). Jewish Subjects and Their Tribal Chieftains in Kurdistan: A Study in Survival. Leiden, The Netherlands: BRILL. kk. 1–2. ISBN 9789004161900. Kurdistan was never a sovereign state, though the area with an ethnic and linguistic majority of Kurdish population is defined as Kurdistan. 
  12. ^ M. T. O'Shea, Trapped between the map and reality: geography and perceptions of Kurdistan , 258 pp., Routledge, 2004. (see p.77)
  13. ^ Kurdistan, Britannica Concise.
  14. ^ Kurdish Awakening: Nation Building in a Fragmented Homeland, (2014), by Ofra Bengio, University of Texas Press
  15. ^ "The Columbia Encyclopedia, Sixth Edition, 2005". bartleby.com. 
  16. ^ "The Kurdish Conflict: Aspirations for Statehood within the Spirals of International Relations in the 21st Century". Kurdishaspect.com. Dijupuk 2011-05-13. 
  17. ^ Hamit Bozarslan “The Kurdish Question: Can it be solved within Europe?”, page 84 “The years of silence and of renewal” in Olivier Roy, ed.
  18. ^ Iraqi Constitution, Article 113.
  19. ^ "Kurds seek autonomy in democratic Syria". BBC. August 16, 2012.