Kripik pisang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
kripik gedhang

Kripik gedhang inggih punika salah satunggaling nyamikan ingkang wujud pisang ingkang dipungorèng kanthi garing. Kripik gedhang kalebet salah satunggaling nyamikan khas Lampung ingkang asring dipundadosaken kanggé olèh-olèh para wisatawan ingkang wangsul saking Lampung.[1]

Jinis-jinising[besut | besut sumber]

Kripik gedhang padatanipun gadhah raos asin.[1] Nanging ing wekdal sak punika, kripik gedhang gadhah manéka warna rasa. Wonten sedasa raos kripik gedhang, inggih punika coklat, keju, stroberi, melon, moka, sapi panggang, balado, jagung bakar, asin, lan manis.[1] Déné rasa sapi panggang ingkang paling énggal.[1] Nanging masarakat langkung ingkang kathah pados kripik gedhang kanthi rasa coklat lan keju.[1] Kripik gedhang ingkang saé punika saged dipuntingali saking wujudipun ingkang wutuh, tipis-tipis, lan saged tahan dangu.[2] Manawi dipuntingali saking teksturipun, kripik gedhang ingkang saé inggih kripik ingkang nalika dipuncokot renyah, boten atos, boten jemèk, lan boten gampil remuk.[2] Saking sisih raosipun, kripik gedhang ingkang saé punika raosipun éco, gurih, legi, lan boten ngedalaken ambu ingkang boten sedhep.[2] Jinising gedhang ingkang paling cocog dipun-ginakaken kanggé damel kripik gedhang inggih sadaya jinis gedhang ingkang gadhah tekstur padhet lan boten jemèk, kados ta pisang tanduk,pisang kepok, dan pisang uli.[2]

Bahan[besut | besut sumber]

Déné bahan-bahan ingkang dipunbetahaken kanggé damel kripik gedhang punika ing antawisipun inggih kados makaten:[3]

Bumbu alusipun[besut | besut sumber]

Bumbu-bumbu ingkang dipunbetahaken kanggé mbumboni kripik gedhang punika inggih kados makaten:[4]

Cara damelipun[besut | besut sumber]

Ing ngandhap punika inggih prosès nalika damel kripik gedhang:[4]

  1. Gedhang dipunoncèki rumiyin, lajeng dipuniris kanthi posisi miring, tipis-tipis.
  2. Pisang ingkang sampun dipuniris lajeng dipunkum wonten ing toya kapur kirang langkung dangunipun 1 jam. Manawi sampun 1 jam lajeng pisang dipunangkat lan dipunkumbah ngantos resik. Manawi sampun lajeng dipunpisah supados toyanipun ical.
  3. Sasmpunipun lajeng pisang dipunlebetaken wonten ing wadhah baskom, lajeng dipunsukani bumbu alus. Pisang lajeng dipunkopyok sareng kaliyan bumbunipun ngantos rata sadaya lajeng dipunkum ing bumbu supados langkung ngresep bumbunipun.
  4. Lajeng dipunsambi manasi lisah klentik ing waja, manawi sampun panas nembé pisang dipungoreng ngantos wernanipun kuning semu coklat lan katingal kemriuk.
  5. Pisang dipuntus rumiyin supados lisah ingkang taksih nèmplek ical.
  6. Kripik gedhang sampun samekta dipundhahar.

Cathetan suku[besut | besut sumber]

  1. a b c d e [1](dipunundhuh tanggal 22 Novèmber 2012)
  2. a b c d [2](dipunundhuh tanggal 22 Novèmber 2012)
  3. [3](dipunundhuh tanggal 27 Novèmber 2012)
  4. a b [4](dipunundhuh tanggal 27 Novèmber 2012)