Klapa sawit

Saka Wikipédia Jawa, bauwarna bébas abasa Jawa
(Dilih saka Klapa Sawit)
Klapa sawit
Elaeis guineensis - Köhler–s Medizinal-Pflanzen-056.jpg
Klapa Sawit Afrika (Elaeis guineensis)
Klasifikasi ngèlmiah
Karajan: Plantae
Dhivisi: Magnoliophyta
Klas: Liliopsida
Ordho: Arecales
Famili: Arecaceae
Génus: Elaeis
Jacq.
Species
Elaeis guineensis

Elaeis oleifera

Woh klapa sawit

Klapa Sawit (Elaeis guineensis) asalipun saking Afrika Kilèn, inggih wit-witan pangasil lisah nabati ingkang utami tinimbang wit-witan pengasil lisah nabati sanèsipun.[1] Klapa Sawit dibekta déning Walanda dhateng Indonésia ing taun 1848.[1] Nalika semanten wonten sekawan wit Klapa Sawit ingkang dipuntandur ing Kebun Raya Bogor (Botanical Garden Bogor), kalih wit asalipun saking Bourbon, Mauritius lan ingkang kalihipun saking Hortus Botanicus, Amsterdam, Walanda.[1] Wiwitanipun wit punika dipun-ginakaken kangge wit-witan hias. Pambudidayaan kangge komersial nembé dipunwontenaken ing taun 1911.[1]

Tiyang ingkang ngrintis pakebunan Klapa Sawit ing Indonésia inggih punika Adrien Hallet (saking Belgia), salajengipun déning K. Schadt ingkang dados pratandha wontenipun pakebunan klapa sawit ing Indonésia.[1] Pakebunan klapa sawit ingkang kapisan wonten ing Deli lan Acèh ing Pulo Sumatra.[1] Jembar pakebunan punika ngantos 5.123 Ha.[1]

Sampun dangu, klapa sawit nggadhahi peran ingkang awrat tumrap èkonomi Indonésia lan kalebet salah satunggalipun komoditas andelan ingkang saged ngasilaken devisa nagara.[2] Sasanèsipun ngasilaken kontribusi ingkang ageng dhateng devisa nagara, mangfaatipun ugi relatif minggah ing saben taunipun. Taun 2003, kathahipun devisa ingkang dipunasilaken saking industri punika ngantos US$ 2,6 miliar utawi 4,3% saking sadaya ekspor Indonésia ingkang ngatos US$ 61 miliar.[2]

Cathetan suku[besut | besut sumber]

  1. ^ a b c d e f g Sejarah Perkembangan Tanaman Kelapa Sawit di Indonesia dipunundhuh tanggal 29 Agustus 2011)
  2. ^ a b POTENSI DAN PROSPEK BISNIS KELAPA SAWIT INDONESIA dipunundhuh tanggal 29 Agustus 2011)

Pranala njawi[besut | besut sumber]

Sejarah Perkembangan Tanaman Kelapa Sawit di Indonesia