Kethèk oglèng
Kethèk oglèng utawi lèdhèk kethèk inggih punika salah satunggalipun kasenian tradhisional ingkang wonten ing Indonésia.[1] Pagelaran kethèk ogléng ugi saged dipunpanggihi ing nagari India, Pakistan, Thailand, Viètnam, Cina, Jepang, lan Koréa.[1] Jinis kasenian punika dipunparagani satunggalipun tiyang ingkang dipunsebat pawang.[2] Pawang punika mbudidaya nglatih kethèk kanggé nglaksanakaken manéka warni kridha ingkang niru solah tingkahipun manungsa, kados nganggé rasukan, késah dhateng peken, lan sanèsipun.[2] Kethèk ingkang dipun-ginakaken ing Indonésia limrahipun saking spésies kethèk Macaca Fasfascicularis.[2] Kethèk ingkang nglaksanakaken manéka warni atraksi punika dipuniringi tabuhan déning tiyang satunggal utawi langkung.[2]
Piranti musik ingkang dipuntabuh limrahipun awujud gendhang alit ingkang dipuntabuh mawi satunggal asta, lan asta ingkang sanèsipun nyepengi tali ingkang kanggé njired kethèk.[2] Pagelaran punika dipungelar sarana mubeng satunggal papan dhateng papan sanèsipun ing wewengkon ingkang kathah tiyang manggén.[2] Limrahipun tiyang ingkang ningali punika laré-laré alit.[2] Amargi punika, dhatengipun rombongan kethèk ogléng tansah dipunremeni laré-laré alit.[2] Karemenan laré-laré alit punika dados rejeki tumrap rombongan kethèk ogléng.[2] Arta sawéran saking wargi dados sumber rejeki rombongan kethèk ogléng.[2] Sinau saking kathah panliten ing wewengkon Afrika, bilih wonten kamungkinan manawi kethèk dados prantara lelara HIV ingkang nglantari AIDS tumrap manungsa.[3] Kanggé laku pananggulangan, toya ingkang medal saking awakipun kethèk ampun ngantos kénging badanipun manungsa ingkang taksih nandhang gerah nalika kethèk nyokot utawi nyakar kulit.[3]
Cathetan suku
[besut | besut sumber]- ↑ a b "Pertunjukan topeng monyet berpotensi membawa virus yang dapat berpindah ke manungsa". Sri Nuryati, Berita Bumi. 14 Dhésèmber 2005. Diarsip saka sing asli ing 27 September 2007. Dibukak ing 4 September 2007.
- ↑ a b c d e f g h i j "Rezeki dari Topeng Monyet". Indosiar.com. 2 Mèi 2007. Diarsip saka sing asli ing 27 September 2007. Dibukak ing 4 September 2007.
- ↑ a b "Virus Maut di Balik Topeng". Koran Tempo. 18 Dhésèmber 2005. Diarsip saka sing asli ing 28 September 2007. Dibukak ing 4 September 2007.
| Artikel iki minangka artikel rintisan. Kowé bisa ngéwangi Wikipédia ngembangaké. |