Iwak Brek

Saka Wikipédia Jawa, bauwarna bébas abasa Jawa
Brek
Brek, Puntius orphoides,
dari Mandalamekar, Jatiwaras, Tasikmalaya
Klasifikasi èlmiah
Krajan: Animalia
Filum: Chordata
Kelas: Actinopterygii
Ordo: Cypriniformes
Kulawarga: Cyprinidae
Marga: Puntius
Jinis: P. orphoides
Jeneng binomial
Puntius orphoides
(Valenciennes, 1842)[1]
Sinonim

Barbus rubripinna van Hasselt, 1823 (nomen nudum)
Barbus orphoides Valenciennes, 1842[2],

Brek utawi mata merah ( Puntius orphoides ) punika satunggaling jinis iwak toya tawar anggota suku Cyprinidae. Ulam punika nyebar kanthi wiyar wonten ing Indocina lan Kepuloan Sunda [3]. Nama sanèsipun kanggé ulam punika ing antawisipun maroca, marococa, wadonon (Betawi); brek, pekiseh, lunjar, wader (Jawa); lan sisik milik, ampa (Sunda)[4]. Ing Tasikmalaya, ulam punika ugi kawéntar kanthi sebutan beureum panon. Wonten ing Basa Inggris ulam brek punika kawéntar kanthi nama Javaen Barb. Ing dhaérah Banyumas lan dhaérah Purbalingga ulam punika dipunwastani ulam brek. Ulam punika dèrèng kawéntar sanget amargi dèrèng dipunbudidaya [5].

Morfologi[besut | besut sumber]

matanipun wonten werni abangipun

Ulam ingkang kagungan ukuran awak sedengan kanthi dawa total dumgugi 250 mm. Gurat sisi kirang langkung 31-34 buah. 5-5½ sisik ing antawisipun sirip dorsal kaliyan gurat sisi. Batang buntut dipunubengi déning 16 sisik. Eri-eri ingkang atos pungkasan wonten ing sirip dorsal kanthi gerigi alus 30. Sirip buntut kanthi pinggir nginggil lan ngandhap gadhah warna ireng, bintik ireng ugi wonten ing buntut. Ulam brek ingkang enèm wonten larikan bintik ireng ing sedawaning larikan sisikipun [3].

Kebiasaan[besut | besut sumber]

Ulam brek punika ulam ingkang kalebet jinis karnivora ingkang mangsanipun serangga, bekicot, lan sanèsipun [6]. Kanthi alami, ulam brek punika saged dipunpanggihaken wonten ing lèpèn, waduk, lan tlaga, ananging wonten ugi ing kolam-kolam. Kejawi dipun-konsumsi ulam brek punika ugi dipunmanfaataken dados ulam hias lan dados sadéan.

Sebarau utawi hampal ( Hampala macrolepidota ) gadhah pola warni ingkang sami kaliyan ulam brek. Ananging sebarau gadhah awak ingkang langkung dawa, moncong ingkang langkung lancip, sisik-sisik punika langkung ageng, sarta wonten belang ireng ing sisih wetengipun déné menawi ulam brek wonten belang irengipun ing buntut.

Ulam brek punika kathah dipunsade wonten ing dhaérah Purbalingga lan dhaérah Banyumas. Kangge nuruti panyuwunan pasar sapunika ulam brek dipuncekel langsung saking habitat aslinipun saéngga dipunkhawatiraken kedadosan over eksploitasi. Amargi wonten indikasi bilih ukuran ulam brek ingkang dipuncekel sansaya sekedhik lan sansaya alit populasinipun. Ulam punika dèrèng memasarakat amargi dèrèng dipundamel budidayanipun [5].

Cathetan suku[besut | besut sumber]

  1. ^ Puntius orphoides (Valenciennes, 1842)
  2. ^ Cuvier, G. and A. Valenciennes. 1842. Histoire Naturelle des Poissons, XVI: 193. Paris (Levrault).
  3. ^ a b Kottelat, M., A.J. Whitten, S.N. Kartikasari, S. Wirjoatmodjo. 1993. Ikan Air Tawar Indonesia Bagian Barat dan Sulawesi. Periplus Edition (HK) Ltd. dan Proyek EMDI KMNKLH Jakarta. hal 59.
  4. ^ Weber, M. and L.F. de Beaufort . 1916. The Fishes of The Indo-Australian Archipelago III:194-195. E.J. Brill. Leiden.
  5. ^ a b [1], (id) Ikan brek (dipun-akses tanggal 11 Januari 2013).
  6. ^ Umar, C., S. Makmur, & DWH. Tjahjo. 2007. Kebiasaan makan beberapa jinis ikan dan relung ekologi di Danau Sentani, Papua. Torani 17 (2): 93-99, Juni 2007
Sumber artikel punika saking kaca situs web: "https://jv.wikipedia.org/w/index.php?title=Iwak_Brek&oldid=1000760"