Iswadi Pratama

Iswadi Pratama

Iswadi Pratama ingkang miyos ing tanggal 8 April 1971 ing Tanjungkarang, Lampung) inggih punika salah satunggaling sastrawan Indonésia. Iswadi ngrampungaken kuliah ing Jurusan Ilmu Papréntahan Fakultas Ilmu Sosial dan Ilmu Pulitik (FISIP) Universitas Lampung.

Biografi

Iswadi Pratama inggih punika putra angka gangsal saking enem sedhèrèkipun. Bapakipun inggih punika Ismail Somad, déné ibunipun inggih punika RNG Zakrofah. Iswadi sampun naté ngrampungaken pendhidhikanipun wiwit alit ing:

1. SD, Lampung (1984)
2. SMP, Lampung (1987)
3. SMA, Lampung (1990)
4. Jurusan Ilmu Papréntahan, Fakultas Ilmu Sosial dan Ilmu Pulitik, Universitas Lampung, ingkang lulus ing taun 1996.

Ing sadangunipun kuliah, Iswadi Pratama sampun aktip wonten ing kathah organisasi kemahasiswaan ing antawisipun Himpunan Mahasiswa Islam (HMI) ing taun 1992, Unit Kegiatan Mahasiswa Basa dan Seni (UKMBS) ing taun 1993, lan dados anggota ing Pergerakan Mahasiswa Islam Indonesia (PMII) ing taun 1994. Sak rampungipun kuliah, Iswadi Pratama sampun naté dados redaktur budaya Surat Kabar Umum 'Sumatera Post saha Harian Umum Lampung Post, Bandar Lampung sadèrèngipun piyambakipun mutusaken kanggé nindakaken kesenian kanthi total. Ing aktivitas seninipun, Iswandi misuwur dados seniman ingkang saged nindakaken kalih jinis babagan seni, inggih punika seni teater saha sastra. Ing babagan teater, Iswandi aktip dados aktor, panulis naskah saha sutradara. Piyambakipun ugi sampun naté gabung kaliyan sapérangan golongan teater ing antawisipun inggih punika Teater Kuru Setra (1992) saha Teater Api. Kalih taun salajengipun, piyambakipun medal saking Teater Kuru Setra saha mbentuk Forum Semesta (1994). Nanging teater punika saged pecah, lajeng piyambakipun ndhirikaken Teater Satu (1996) ing Lampung. Padamelanipun Iswandi inggih punika dados Redaktur Seni Budaya Lampung Pos, Pendiri harian Sumatera Pos, Editor Penerbit Kata-Kita, saha Redaktur tabloid Sapu Lidi.

Bibiliography

Piyambakipun sampun naté mentasaken drama ingkang idenipun saking puisi-puisi karyanipun piyambak, ing antawisipun inggih punika Ruang Sekarat, Aljabar, Rampok, Ikhau, Nak, Menunggu Saat Makan, Dongèng Tentang Air, Nostalgia Sebuah Kota: Kenangan Pada Tanjung Karang, Aruk Gugat, lan sapanunggalanipun.

Karya Teater

• ‘Ruang Sekarat’ ing TBL 1995 (Penulis lan sutradara),
• Drama Jogèd ‘Radin Jambat, Bandarlampung 1996 (penulis lan asisten sutradara)
• ’Si Tamba, wonten ing Traditional Preforming Arts di GKJ 2001 (penulis lan sutradara),
• ’Nak: Tragedi Sampit, ing TBL 2001 (Sutradara lan Penulis),
• ’Nostalgia sebuah Kota: kenangan untuk Tanjungkarang’ wonten ing Festival Teater Alternatif Indonesia ing GKJ Oktober 2004 (sutradara lan penulis)
• ’Nostalgia sebuah Kota: kenangan untuk Tanjungkarang’ dipunpentasaken ing TUK Jakarta, Febuari 2004 (penulis lan sutradara)
• ’Nostalgia sebuah Kota: kenangan untuk Tanjungkarang, dipunpentasaken ing Makasar, Jakarta, lan Bandung, Juli 2004 (penulis lan sutradara)
• Monolog ‘Perempuan Pilihan’ ing Festival Monolog Indonesia Undangan DKJ (2003) lan ing Teater Utan Kayu (2004) dados sutradara lan penulis naskah,
• ’Nostalgia Sebuah Kota: kenangan untuk Tanjungkarang’ wonten ing Indonesian Performing Arts Mart (IPAM) ing Bali, Mèi 2005 (penulis lan sutradara)

Karya Sastra

• Jalan Menuju Diri (1991),
• Pergi (1992),
• Gelang Semesta,
• Belajar Mencintai Tuhan,
• Daun-Daun Jatuh Tunas Tumbuh,
• Refleksi Setengah Abad Indonesia,
• Antologi Cerpen Dari Lampung,
• Antologi Cerpen Dari Bumi Lada,
• Cetik,
• Mimbar Penyair Abad 21 DKJ-Balai Pustaka (1996),
• Hijau Kelon dan Puisi 2002 (Kompas, 2002),
• Pertemuan Dua Arus (Jung Foundation, 2004),
• Matinya Cerita Pendek
• DKJ-Cipta (2007)

Penghargaan

27 penghargaan ingkang pikantuk saking perlombaan /festival:

• Baca puisi, Cipta puisi/Cerpen, Teater, Kritik Film, Esai Seni Rupa, Kritik Jogèd, saha Esai Budaya (1987-1995),
• Kepilih dados salah satunggaling penyair ingkang dipunundhang wonten ing mimbar penyair Abad 21 déning Dewan Kesenian Jakarta (1996)
• Penghargaan saking Mantri Pariwisata, Seni dan Budaya RI kanggé pengabdian ing Babagan Seni (1999),
• Pikantuk Hibah Seni saking Yayasan Kelola kanggé mentasaken lakon Menunggu Godot karya Samuel Beckett ing Lampung, Bandung, Sala, saha Yogyakarta (2002),
• Pikantuk sekawan penghargaan wonten ing GKJ Award wonten ing Festival Teater Alternatif Indonesia kanggé kategori sutradara ingkang saé piyambak, naskah terbaik, grup terbaik, saha aktris terbaik kanthi lakon ‘Nostalgia Sebuah Kota: Kenangan untuk Tanjungkarang’ (2003)
• Pikantuk hibah seni saking Yayasan Kelola kanggé mentasaken “Nostalgia Sebuah Kota” ing Lampung, Jakarta, Bandung, saha Makasar (2004),
• Pikantuk penghargaan Kementerian Pariwisata RI kanggé penampilan Nostalgia Sebuah Kota: Kenangan untuk Tanjungkarang ing Indonesian Performing Art, Nusa Dua, Bali (2005),
• Kepilih dados salah satunggaling penyair ingkang dipunundhang ndhèrèk Festival Sastra Internasional, Wintemachten (2005)