Ismeth Abdullah

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Ismeth Abdullah

Ismeth Abdullah (ingkang miyos wonten ing Cirebon, Jawa Kulon, ing tanggal 29 September 1942) inggih punika salah satunggaling Gubernur Kapuloan Riau wiwit sepisanan madeg Provinsi Kapuloan Riau minangka provinsi kaping 32 ing Indonésia.[1]

Biografi[besut | besut sumber]

Pendhidhikanipun[besut | besut sumber]

Ismeth Abdullah inggih punika minangka salah satunggaling lulusan saking Fakultas Ékonomi Universitas Indonésia, Jakarta, ing taun 1974. Ing taun 1979, piyambakipun nerasaken pendhidhikanipun wonten ing Economic Development Institute of the World Bank, Washington DC, Amérikah Sarékat.[2]

Padamelanipun[besut | besut sumber]

Ing wekdal punika piymbakipun sampun nembé kemawon lingsir saking kursi Gubernur Kapuloan Riau ingkang sapisan ing pèriode 2006-2010. Ismeth Abdullah ugi sampun naté dipuntunuk dados Ketua Batam Industrial Development Authority (BIDA) déning Présidhèn Republik Indonesia ing tanggal 29 Juni 1998. Badan punika dipunbentuk déning pamarèntah Indonésia ing taun 1971. Ing sak ngandhapipun pandheganipun Ismeth Abdullah, Batam sampun saged narik langkung saking 400 Penanam Modal Asing (PMA) ingkang saged ngasilaken arta ngantos US$ 1,4 milyar wondènè cacahipun perusahaan asing mau saged mundhak lipet kaping kalih langkung kathah (saking 300 ngantos 700) ing wekdal gangsal taun, nalika Indonésia nembé pulih malih saking krisis ékonomi. Sasampunipun gadhah prestasi ing Batam, Ismeth Abdullah ugi sampun naté dados pimpinanipun Harian (Administrator) Dewan Penunjang Ekspor (Export Support Board) saking sasi Oktober 1989 ngantos Juli 1998 ingkang minangka badan nasional ingkang dipunbentuk déning pamarèntah Indonésia lan Bank Dunya kanggé nyamektakaken pambiyantu bab teknis ing babagan prodhuksi, anggènipun masaraken, lan tenaga ahli dhateng Usaha alit lan sedhengan minangka komoditas ekspor. Kajawi punika, piyambakipun ugi gadhah wawasan ingkaxng wiyar ing kathah sektor saking kawicaksananipun bab kauangan, kalebet sekawan taun saged dados Direktur Pemasaran ing Bank Bukopin.

Penghargaan[besut | besut sumber]

Saking peranipun kanggé mromosikaken usaha alit lan sedhengan kanthi cara ingkang kooperatif, Ismeth Abdullah pinaringan Medali penghormatan Satyalancana Pembangunan (Medali Penghargaan PEmbangunan) ing tanggal 14 September 2000 déning pamarèntah Indonésia. Ing tanggal 14 Agustus 2003, kanggé mèngeti dinten kamardikan Republik Indonesia kaping 58, Ismeth Abdullah pinanringan tandha kaurmatan Lintang Jasa Utama déning Présidhèn Republik Indonesia.

Cathetan suku[besut | besut sumber]