Indra Lesmana

Saka Wikipédia Jawa, bauwarna mardika basa Jawa
Indra Lesmana
BojoSophia Latjuba (pegatan)
Hanny Trihandojo Lesmana

Indra Lesmana (lair ing Jakarta, 28 Maret 1966; umur 57 taun) inggih punika salah satunggalipun musisi jazz saking Indonésia.[1][2] Indra punika putranipun tokoh Jazz Indonésia, Jack Lesmana lan penyanyi sénior Indonésia ing taun 1960-an Nien Lesmana.[1] Sasanesipun punika, Indra ugi kalebet rayinipun prodhuser filem Indonésia, Mira Lesmana lan tilas garwanipun salah satunggalipun penyanyi pop Indonésia, Sophia Latjuba.[1] Indra Lesmana wiwit tresna dhateng musik awit yuswaniun sedasa taun.[1] Pangalaman ingkang kapisan ing jagad musik pinurwakan taun 1976 ing Kutha Bandung, nalika Indra péntas sareng kaliyan ramanipun.[1] Sasampunipun péntas punika, Indra asring péntas ing Taman Ismail Marzuki, Jakarta.[1] Salajengipun Indra ngliris albumipun ingkang kapisan kanthi irah-irahan Ayahku Sahabatku taun 1978.[1] Indra lajeng kuliyah ing Australia lan naté nyicipi jagad musik jazz Amérikah Sarékat.[1] Sadangunipun punika, Indra sampun ngliris grup musik Children of Fantasy (1981).[1] Kaliyan musisi manca nagari Indra ndhérék band Nebula, lan sampun ngliris album No Standing.[1] Salajengipun kanthi runtut, panjenenganipun ngliris album Women and Children First (1983) lan For Earth and Heaven (1985), La Samba Primadona (1987), Aku Ingin (1990), Reborn (2000) lan Silver (Album) (2005).[1]

Cathetan suku[besut | besut sumber]

  1. a b c d e f g h i j k Indra Lesmana dipunundhuh tanggal 1 Agustus 2011)
  2. Indra Lesmana Archived 2011-08-07 at the Wayback Machine. dipunundhuh tanggal 1 Agustus 2011)

Pranala njawi[besut | besut sumber]

Indra Lesmana Indra Lesmana Archived 2011-08-07 at the Wayback Machine.