Hans Frank

Saka Wikipédia Jawa, bauwarna bébas abasa Jawa
Hans Frank.jpg

Hans Frank (lair ing Karlsruhe, Baden, Jerman, 23 Mèi 1900 – pati ing Nuremberg, Jerman, 16 Oktober 1946 ing yuswa 46 taun) ya iku pengacara kanggo parte Nazi sadawane taun 1920-an lan pejabat senior ana ing Jerman Nazi.[1][2] Merga mangsa jabatane dadi Gubernur Jenderal ana ing Laladan Pendudukan Polen, dhèwèké dituntut ana ing pengadilan Nurnberg kanggo peranane nalika nglaksanakake Holocaust, lan dituntu salah kanggo kasus mateni wong Polen lan Yahudi Polen, lan dieksekusi nalika 16 Oktober 1946.[1][2] Hans Frank melu ana ing PD I, sinau ékonomi lan yurisprudensi, lan nalika taun 1921 dhèwèké melu gabung ana ing Parte Buruh Jerman (cikal bakal Nazi).[1] Pungkasane dhèwèké dadi penasihat resmi ketua parté lan pengacara pribadi Hitler.[1] Sawise Nazi dadi penguasa ing Jerman taun 1933, Frank diwenehi jabatan kang maneka werna kalebu uga dadi presiden Reichstag lan menteri kehakiman ana ing pemerintahan Nazi.[1] Sawise serangan Jerman marang Polen taun 1939, Frank diangkat dadi gubernur jenderal, lan dadi ketua agung administrasi sipil laladan pendudukan Polen.[1] Sawijining wing kang melu nyengkuyung paham rasis Nazi, Frank menehi prentah kanggo eksekusi jutaan wong saka Polen, nyita gedhe-gedhenan aset saka nagara Polen, perbudakan yutaan buruh Polen kang dikirim nganggo kapal menyang Jerman, lan ngumpulake saperangan wong Yahudi Polen menyang ghetto lan dhèwèké tetep dadi gubernur jendral nganti sarampunge perang.[1] Dhèwèké banjur ditangkep déning Pasukan Amerika Serikat nalika taun 4 Mei 1945, lan didakwa menyang pengadilan sadurunge Pengadilan Militer Internasional ing Nuernberg.[2] Dhèwèké dianggep salah merga nglakokake kejahatan perang lan kamanungsan. Nalika tanggal 1 Oktober 1946 dhèwèké divonis ukuman gantung.[2]

Pranala njaba[besut | besut sumber]

Cathetan suku[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Hans_Frank&oldid=1106826"