Guwa Rancang Kencana
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Gua Rancang Kencono punika papan pariwisata alam ingkang mapan wonten ing désa Bleberan, Kacamatan Playen, Kabupatèn Gunungkidul, Yogyakarta, Indonésia. Kawontenan gua punika sampun dangu, kirang langkung 300 taun kepengker. Gua Rancang kencono kanthi wiyar 20m x 20m punika wonten ing dalemipun naté kanggé papan patemon antawisipun Pangeran Diponegoro kaliyan Sentot Prawirodirjo kanthi ancas ndhapuk siasat nyerang Walanda. Miturut buku Legenda & Budaya Désa Bleberan ingkang dipunterbitaken déning pamaréntah désa Bleberan, Gua Rancang Kencono kapanggih nalika taun 1720. wanci punika wonten Laskar Mataram ingkang kabur saking Walanda anama Kyai Putut Linggo Bowo lan Kyai Soreng Pati manggihaken gua kanggé ngaso.
Gua punika lajeng dados papan kanggé patemon Laskar Mataram kanggé nyusun siasat perang. Awit saking punika papan punika dipunparingi nama Gua Rancang Kencono. Tembung rancang ingkang ateges rencana kaliyan kencono ingkang ateges emas ingkang mulya. Dados saged dipuntegesi gua ingkang kaginakaken kanggé ngrancang lakonan ingkang asipat mulya.
Kajawi papan kanggé nyusun siasat, wonten ugi Laskar Mataram ingkang remen tapa supados pikantuk wangsit / wisik saking Gusti ingkang ndadosaken Gua Rancang Kencono papan kanggé mertapa. Wonten gua punika wonten satunggal ruangan alit kanthi ukuran 3x3 mèter lan papan kanggé mlebet ingkang sempit. Ruangan punika ingkang kala rumiyin dados papan kanggé mertapa.
Kaendahan
[besut | besut sumber]Gua Rancang Kencono punika kapérang dados tigang ruangan, inggih punika ruangan ageng ingkang wujud aula, ruwang peteng ingkang kanggé mertapa, lajeng lorong marang air terjun Sri gethuk [1].
Nalika tindhak dhateng gua punika ingkang khas punika perbukitan karts lan wit jati amargi Gua Rancang Kencono punika mapan ing madyaning bukit kapur lan hutan jati. Kangge mlebet gua punika mlampah liwat tangga ingkang ngajengipun wonten wit ageng ingkang sampun atusan taun. Wonten ing gua punika wonten papan jembar kanthi wiyar 20 x 20 mèter ingkang déning masarakat sakiwa-tengené dados papan kanggé papan dolanan saha wonten ugi ingkang ngginakaken kanggé kemah. Wonten ing salah satunggaling ruwang wonten seratan sarta gambar gendéra Merah Putih. Miturut cariyos wonten lorong ingkang ngubungaken Gua Rancang Kencono kaliyan Air terjun Sri gethuk [2].
Ugi pirsani
[besut | besut sumber]Cathetan suku
[besut | besut sumber]- ↑ [1][pranala mati permanèn], Désa Wisata Bleberan (dipun-akses tanggal 24 Oktober 2012).
- ↑ [2] Archived 2012-06-28 at the Wayback Machine., Gua Rancang Kencono-Jogjatrip (dipun-akses tanggal 23 Oktober 2012).