Grojogan Sri Gethuk
Sri Gethuk inggih punika salah satunggaling papan pariwisata awujud toya dhawah utawi curug ingkang wonten ing tlatah Gunungkidul [1]. Mliginipun wonten dhusun Menggoran, désa Bleberan, kacamatan Playen, Gunungkidul. Wonten ugi ingkang mastani kaliyan nama Air terjun Slempret utawi ugi Air Terjun Sompret [2].Toya ing papan punika boten naté asat kalebet ing mangsa katiga ugi boten naté garing.
Nama slempret piyambak asalipun saking legenda ingkang wonten ing désa Bleberan. Miturut mitosipun papan punika pusating para jin kanthi pimpinan Jin Anggo Menduro. Jin-jin ingkang wonten ing mriki remen kaliyan kesenian, amargi nalika wayah tartamtu punika wonten swara kados piranti musik kados slompret. Nanging manawi dipunparani swara punika banyur ilang. Awit saking punika air terjun punika dipunparingi nama Air Tejun Slempret. Kajawi punika wonten ugi cariyos bilih Sri Gethuk punika namanipun saking kethuk, salah satunggaling piranti karawitan. Amargi rikala tartamtu wonten swara kethuk ingkang dipuntabuh saking mriku.
Sri Gethuk punika wonten pinggiring Kali Oya kanthi dhuwur 25 mèter lan debit tiyanipun dumugi 80 liter / detik. Aliran toyanipun asalipun saking tigang tuk utawi sumber toya ingkang wonten ing Désa Bleberan inggih punika tuk Dong Poh, Ngandong, lan Ngumbul. Kajawi ngalir tumuju air terjun, tuk punika ugi ngaliri sabin-sabin ingkang wonten ing Désa Bleberan. Awit saking punika nalika mangsa katiga (kemarau) désa punika taksih katon ijo.
Fasilitas
[besut | besut sumber]Papan pariwisata punika celak kaliyan Gua Rancang Kencono ingkang asring kanggé bumi perkemahan. Saking Grojogan Sri Gethuk dhateng Gua Rancang Kencono punika kaubungaken kaliyan margi saking watu gamping. Medan margi punika radi curam. Wonten ing Sri Gethuk wonten area kanggé mancing ugi lengkap kaliyan fasilitas nitih gethek. Kajawi punika wonten aréa air terjun ugi kathah papan kanggé dedhaharan lan unjukan.
Beaya
[besut | besut sumber]Grojogan Sri Gethuk punika beayanipun kados makaten:
- Tiket mlebet punika Rp 3.000,00 (sampun kalih papan wisata inggih punika [[Gua Rancang Kencono lan Grojogan sri Gethuk)
- Beaya manawi para wisatawan kepéngin nitih rakit utawi gethek ingkang dipunsamaptakaken wonten ing kali Oyo ing ngandhaping grojogan Sri Gethuk inggih punika Rp 5.000,00 / tiyang
- Kajawi punika wonten ugi fasilitas nyewa ban kanthi beaya Rp 2.000,00 / tiyang [3].
Ugi pirsani
[besut | besut sumber]Cathetan suku
[besut | besut sumber]- ↑ [1] Archived 2012-10-17 at the Wayback Machine., (id) http://www.gunungkidul.org (dipun-akses tanggal 24 Oktober 2012).
- ↑ [2] Archived 2013-01-27 at the Wayback Machine., (id) http://jogjatrip.com Archived 2012-12-06 at the Wayback Machine. (dipun-akses tanggal 24 Oktober 2012).
- ↑ [3], (id) http://www.yogyes.com/ (dipun-akses tanggal 29 November 2012).