Gadhung

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Dioscoreaceae
Dioscorea balcanica
Klasifikasi èlmiah
krajan: Plantae
(unranked): Angiospermae
(unranked): Monocots
ordo: Dioscoreales
kulawarga: Dioscoreaceae
R.Br.
Genera

See text

Gadhung (Dioxorea hirsuta) iku wit kang uripé ngrambat, thukul ana ing ing alang-alang utawa tinandur ana padésan. Gadhung cina asalé saka negara Cina, uga bisa ditandur ing Indonésia.

Kandhungan kimia kang ana ing gadhung yaiku ing rimpang ana stéroid saponin, diosgenin, alkaloid fenol, asam amino, smilax saponin A, B, C.[1] Gadhung rasané legi, pait, tawar, lan asipat adhem.

Genera[sunting | sunting sumber]

Dioscoreaceae (sensu stricto)
(Taccaceae)
(Trichopodaceae)

Kasiyat[sunting | sunting sumber]

Kasiyaté gadhung bisa kanggo ngresiki getih, tamba lara syphilis lan lara kang mbebayani. Saliyané iku gadhung bisa dienggo minangka antiradhang, antirématik, antitoksin, antibiotik, lan anti kangker. Gadhung uga bisa dienggo ngobati lara rématik artritis, lara sendhi, lumbago, sciantica, njarem, diabètès, kangker, lan kaputian. Gadhung mau kena digunakaké yèn wong mau ora vègetarian, ora maem daging, utawa tau migunakaké banyu raksa. Gadhung yèn dicampur ramuan liyané bisa ndadèkaké beciké, jalaran daya kang mendemi dadi kurang.[2]

Cara ngobati lara rématik[sunting | sunting sumber]

Gadhung saendhog pitik, cengkèh 7 iji, pala separo, digodhog banyu 2 gelas nuli di ombé.

Cara ngolah gadhung[sunting | sunting sumber]

Gadhung dioncèki diiris-iris(kandelé 2-3 mm) banjur diekum banyu lan uyah sithik sedina sewengi. Sawisé dientas nuli diawoni. Supaya banyu kang mendemi metu, gadhung diwadhahi rinjing lan diidak-idak. Ésuké dikumbah banyu resik, nuli diepé yèn wis garing bisa disimpen. Yèn arep dipangan gadhung mau bisa didang utawa digorèng dadi kripik.

Cathetan sikil[sunting | sunting sumber]

  1. ^ (id)Wijayakusuma, Hembing. 2006. Resep Alami dari Pakar Herbal Atasi Asam Urat dan Rematik ala Hembing. Jakarta: Puspa Swara. ISBN 979-4807-1
  2. ^ (id)Sudarnadi, H. 1996. Tumbuhan Monokotil. Penebar Swadaya, Jakarta. Hal. 107-108
Sumber artikel punika saking kaca situs web: "http://jv.wikipedia.org/w/index.php?title=Gadhung&oldid=830616"