Fotosintèsis

Saka Wikipédia Jawa, bauwarna bébas abasa Jawa
Godhong, papan dumadiné fotosintesis
Diagram fotosintesis

Fotosintèsis iku prosès biokimia sing dilakoni tetanduran, ganggang, lan sapérangan jinis bakteri kanggo mrodhuksi ènergi sing dinggo (nutrisi) kanthi manfaataké ènergi cahya. Mèh kabèh makhuk urip gumantung saka ènergi sing diahasilaké ing fotosintesis. Akibaté fotosintesis dadi wigati banget kanggo kauripan ing bumi. Fotosintesis uga duwé jasa ngasilaké sapérangan gedhé oksigen sing ana ing atmosfer bumi. Organisme sing ngasilaké ènergi liwat fotosintesis (photos ateges cahya) sinebut fototrof. Fotosintesis arupa salah sawijining cara asimilasi karbon amarga ing fotosintesis, karbon bébas saka CO2 diiket (difiksasi) dadi gula minangka molekul panyimpen ènergi. Cara liya sing ditempuh organisme kanggo ngasimilasi karbon ya iku liwat kemosintesis, sing dilakoni déning sapérangan bakteri belerang.

Fotosintèsis ing tetanduran[besut | besut sumber]

Tetanduran duwé sipat autotrof. Autotrof tegesé bisa nyintesis pangan langsung saka senyawa anorganik.Tetanduran migunakaké karbon dioksida lan banyu kanggo ngasilaké gula lan oksigen sing diperlokaké minangka pangané. Energi kanggo nglakokaké prosès iki asalé saka fotosintesis. Pirsanana persamaan reaksi sing ngasilaké glukosa ing ngisor iki:


12H2O + 6CO2 + cahya → C6H12O6 (glukosa) + 6O2 + 6H2O


Glukosa bisa dipigunaaké kanggo mbentuk senyawa organik liya kaya déné Selulosa lan bisa uga dipunginaaké minangka bahan bakar. Prosès iki lumaku liwat respirasi seluler sing dumadi ing kéwan lan tetanduran. Lumrahé reaksi sing dumadi ing respirasi seluler wewalikan karo persamaan ing ndhuwur. Ing respirasi, gula (glukosa) lan senyawa liya bakal reaksi karo oksigen kanggo ngasilaké karbon dioksida, banyu, lan ènergi kimia.

Tetanduran nangkep cahya kanthi migunakaké pigmen sing disebut klorofil. Pigmen iki sing mènèhi warna ijem ing tetanduran. Klorofil ana ing organel sing disebut kloroplas. Klorofil nyerep cahya sing bakal dipigunaaké sajeroning fotosintesis. Sanadyan kabèh pérangan awaké tetanduran sing wernané ijo ngandhut kloroplas, nanging sapérangan gedhé ènergi diasilaké ing godhong. Ing njeron godhong ana lapisan sel sing disebut mesofil sing ngandhut setengah yuta kloroplas saben milimeter perseginé. Cahya bakal ngliwati lapisan epidermis tanpa warna lan sing transparan, nuju mesofil, papan dumadiné sapérangan gedhé prosès fotosintesis. Permukaan godhong racaké dilapisi déning kutikula saka lilin sing sifaté anti banyu kanggo nyegah dumadiné panyerepan sinar srengéngé utawa panguapan banyu sing punjul samesthiné.

Uga delengen[besut | besut sumber]

Wikipedia
Artikel punika, artikel dhasar ingkang kedah dipundarbèni sadaya basa.