F. Aziz Manna

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
F. Aziz Manna
BojoPenyair
Dramawan

F. Aziz Manna (lair ing Sidoarjo, Jawa Timur, 8 Dhésèmber 1978; umur 41 taun) inggih punika salah satunggalipun sastrawan saking Indonesia. Namanipun misuwur miyos pakaryanipun awujud puisi ingkang kamot wonten sawenèh ariwarta ing Indonesia. Piyambakipun naté nampèni bebungah Kusala Sastra Khatulistiwa (KSK) ing taun 2016 kanthi buku kempalan geguritanipun asesirah Playon ing kategori Geguritan. Taun ingkang sami, KSK ugi maringi bebungah dhumateng Yusi Avianto Pareanom kanthi buku kempalan carita cekak, Raden Mandasia Si Pencuri Daging Sapi ing kategori Prosa.[1][2][3][4][5]

Latar wingking[besut | besut sumber]

F. Aziz Manna lair ing Kabupatèn Sidoarjo, Jawi Wétan, tanggal 8 Dhésèmber 1978. Ngrampungaken pendhidhikan wonten ing Jurusan Sajarah, Fakultas Ilmu Budaya Universitas Airlangga. Awit taksih nèm, piyambakipun sampun nggeluti jagating kasusastran. Sakpérang kagiyatan seni dipunlampahi, antawisipun minangka paraga teater wonteng kelompok-kelompok teater. Aziz naté dipunpracaya dados katuwa Teater Gapus Surabaya, nyengkuyung kagiyatan Forum Studi Sastra dan Seni Luar Pagar (FS3LP), Sanggar Kopi & Rokok Surabaya, sarta sakpérang kagiyatan wonten Komunitas @rekpilem Surabaya. Kajawi kamot ing kalawarta lan ariwarta, geguritan anggitanipun Aziz ugi kasiaraken wonten stasiun radio Jerman, Deutsche Welle.

Pakaryanipun[besut | besut sumber]

  • Menguak Tanah Kering (GAPUS, 2000)
  • Kumelambungkan Cintaku (GAPUS, 2003)
  • Antologi Penyair Jawa Timur
  • Permohonan Hijau (FSS, 2003-2004)
  • Antologi Penyair Tiga Wilayah, Festival Mèi (FSB dan Institut Nalar Jatinangor, 2005)
  • Izinkan Aku Menciummu (Gapus, 2006)
  • Wong Kam Pung (FSS, 2010)
  • Siti Surabaya dan Kisah Para Pendatang (FS3LP dan Diamond Publishing, 2010)

Ugi pirsani[besut | besut sumber]

Pranala njawi[besut | besut sumber]

Rujukan[besut | besut sumber]

  1. Pengen Buku Playon, kumpulan puisi, diakses 9 Fèbruari 2017
  2. Good Reads Playon, diakses 9 Fèbruari 2017
  3. Agregator Klias buku Plaon, diakses 9 Fèbruari 2017
  4. CNN Indonesia Raden Mandasia dan Playon raih KSK, diakses 9 Fèbruari 2017
  5. Berita Jatim Ketua Teater Gapus Raih KSA 2016, Hadiah Rp 50 Juta, diakses 9 Fèbruari 2017