Playon

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Playon
Playon.jpg
Panganggit F. Aziz Manna
Basa Indonésia Indonésia
Gènre Puisi
Pangecapan Penerbit Grasindo
Kala babar
28 Novèmber 2016
Kaca 80 halaman
ISBN 978-602-37-5760-2

Playon inggih punika buku kempalan geguritan ingkang dipunanggit déning sastrawan F. Aziz Manna, kababar déning Penerbit Grasindo, taun 2016. Buku ingkang kandelipun wolung dasa kaca, kanthi nomer ISBN 978-602-37-5760-2 punika nglantaraken namanipun Aziz Manna nampèni bebungah Kusala Sastra Khatulistiwa taun 2016 ing kategori Geguritan. Bebungah ingkang sami, taun punika kaparingaken dhumateng Yusi Avianto Pareanom kanthi pakaryanipun, Raden Mandasia Si Pencuri Daging Sapi ing kategori Prosa.[1][2][3][4]

Latar wingking[besut | besut sumber]

Playon anggitanipun F. Aziz Manna inggih punika buku kempalan geguritan ingkang saget kawastanan mboten limrah, mliginipun saking bab nasib. Buku punika, mula bukanipun, kababar winatesan déning Dewan Kesenian Jawa Timur sasampuné piyambakipun menang ing Sayembara Panyeratan Geguritan, ing taun 2015. Salajengipun, Aziz Manna masrahaken naskah anggitanipun dhumateng juru babar Pagan Press, ingkang dumunung wonten ing Lamongan saperlu dipuncithak malih. Sabanjuripun, Plaon malih-malih manggihi nasib saé kanthi nglantaraken namanipun Aziz nampèni bebungah Kusala Sastra Khatulistiwa ingkang dipuncakaken taun 2016, ing kategori Geguritan, sarta dipuncithak malih déning Penerbit Grasindo.

Sedaya geguritan ing salebetipun buku Playon punika kagolong prasaja lan ngginakaken tembung saben dintenipun, nanging tetep kasisipaken satunggalipun narasi ingkang ngemu teges saèstu jero. Kanthi ngginakaken basa tlatah ingkang radi kathah (kados déné latar kapribadhènipun panganggit ingkang saking Jawi), kasil meksa para pamaos supados saget mangertosi tegesipun, sinambi mriksani glosarium ingkang kacawisaken ing sisih wingkingipun buku. Playon (dipundhut saking basa Jawi) awujud salah satunggalipun geguritan ingkang kapundhut minangka judhul Main, Ajang Barang, lan Laku inggih punika tigang perkawis utami ingkang kaangkat ing buku punika.

Ugi pirsani[besut | besut sumber]

Rujukan[besut | besut sumber]

  1. Pengen Buku Playon, kumpulan puisi, dipundhut 9 Fèbruari 2017
  2. Good Reads Playon, dipundhut 9 Fèbruari 2017
  3. Agregator Klias buku Plaon, dipundhut 9 Fèbruari 2017
  4. CNN Indonesia Raden Mandasia dan Playon raih KSK, dipundhut 9 Fèbruari 2017