Elvis Presley

Saka Wikipédia Jawa, bauwarna bébas abasa Jawa
Elvis Presley ing taun 1970

Elvis Aaron Presley (8 Januari 193516 Agustus 1977) inggih punika salah satunggalipun penyanyi rock 'n' roll legendaris saking Amerika Serikat.[1][2] Panjenenganipun ugi dados produser musik lan aktor.[2] Panjenenganipun nggadhahi julukan "Raja Rock 'n' Roll".[2] Amari lagu-lagunipun ingkang madukaken irama rock 'n' roll kaliyan lagu-lagu ballad, jagad rock 'n' roll nggadhahi fondasi komersial ingkang salajengipun saged dipunrembakaken déning musisi rock 'n' roll sanesipun.[2] Nalika wekdal suksesipun, konser-konser Elvis dipunrawuhi kathah masyarakat (kathahipun golongan rumaja) kanthi cacahipun ingkang kathah sanget.[2] Gaya, sifat, sarta cara ngagem busana Elvis dados simbol kangge musik rock 'n' roll lan kathah dipuntiru déning pandemenipun.[2]

Lair lan Karier[besut | besut sumber]

Elvis lair ing East Tupelo, Mississippi, saking pasangan Vernon Elvis Presley dan Gladys Love Smith, Elvis ageng ing Memphis, Tennessee.[1] Panjenenganipun wiwit sinau gitar lan main ing kathah acara ing papan belanja.[1] Nalika sekolah menengah, Elvis kerja dados sopir truk kangge perusahaan listrik.[1] Nalika musim panas ing taun 1953, Elvis mbayar $4 kangge ngrekam kalih lagu ing perusahaan rekaman Sun Studios minangka hadiyah kagem tanggap warsa ibunipun.[1] Ingkang kagungan Sun, Sam Phillips, remen kaliyan swantenipun Elvis lan salajengipun Elvis dipuntimbali supados dados vokalis penyanyi ballad ingkang taksih kosong.[1] Nalika rekaman kasebat wiwitanipun kirang produktif, ananging nalika taksih ngaso wonten ing satunggalipun wekdal ing tanggal 5 Juli 1954, Elvis nyanyi lagu blues karyanipun Arthur Crudup ingkang irah-irahanipun That's All Right.[1] Versi Elvis dipunremeni Philips lan lajeng dipunputer ing radhio ing Memphis lan dados hit ing laladan kasebat.[1] Wiwit punika Elvis tur dhateng pirang-pirang papan panggenan.[1]

Cathetan Suku[besut | besut sumber]

  1. ^ a b c d e f g h i (en)Elvis.com dipunundhuh tanggal 17 Agustus 2011)
  2. ^ a b c d e f (en)[1] dipunundhuh tanggal 17 Agustus 2011)

Pranala Njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Elvis_Presley&oldid=1089024"