Edison Chen

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Edison Chen
Edison Chen in 2005.jpg
Edison Chen, 2005
Jeneng Cina 陳冠希 (Tradhisional)
Jeneng Cina 陈冠希 (Prasaja)
Pinyin Chén Guānxī (Mandarin)
Jyutping Can4 Gun3 hei1 (Kanton)
Leluhur Shanghai, Cina
Asal Hong Kong
Pakaryan Produser rekaman, musisi, aktor, parancang busana, CEO, modhèl
Genre Hong Kong hip hop, Chinese hip hop, Cantopop
Label(s) Clot Media Division (2007-2008)
EEG (2000-2005)
Taun aktif 1999-2008; 2010-saiki
Wong tuwa Edward Chen
Situs resmi Official Website

Edison Koon-Hei Chen lair tanggal (1980-10-07) 7 Oktober 1980 (umur 38), dhèwèké iku aktor lan penyanyi saka Hong Kong, rapper, modhèl, prodhuser rekaman, perancang busana, lan ikon musik pop. Edison Chen miwiti karir ing indhustri panglipur Hong Kong ing taun 1999.[1] Asalé, Edison lagi liburan karo kanca-kancané lan ana panggolèk bakat kang nawani dhèwèké supaya mbintangi iklan, nalika iku umuré Edison nembé 19 taun.[1]

Karir filemé diwiwiti liwat peran ing filem Jepang kang judhulé, "Dead Or Alive 2:Birds".[1] Ora suwé sawisé iku, ing taun 2000, nalika iku umuré 20 taun, Edison olèh kontrak rekaman karo Emperor Entertainment Group.[1]

Dhèwèké sempet ngrilis album sadurungé olèh kasempatan kanggo ngrilis album hip-hop.[1] Album hip-hopé kang kaping pisanan ya iku album kang dujudhuli, "Please Steal This Album". Album mau dirilis ing sasi Fèbruari taun 2004, karo ikon pop kang wis dadi julukané.[1] Edison uga nyoba nekuni kariré kang liya, dhèwèké wiwit nyoba donya busana.[1] Bebarengan karo partner'é ya iku Kevin Poon lan Billy Ip, dhèwèké mbukak perusahaan CLOT inc.[1]

Ing awal taun 2008, Edison kalibat ing skandhal kang ngebohaké, foto-fotoné kang saru karo para bintang kondhang liyané, kaya ta Gillian Chung, Bobo Chan, Mandy Chen, Candice Chan, Rachel Ngan lan Cecilia Cheung, nyebar liwat internèt.[1]

Ing sasi Fèbruari taun 2008, Edison wara-wara manawa dhèwèké mundur lan mandhek amarga skandhal karo para bintang kondhang iku.[1][2] Kanggo ngadhemaké kaanan, dhèwèké nganakaké konfrènsi pèrs lan anjaluk ngapura.[2] Kabèh mau iku, amarga dhèwèké nggawa komputeré menyang réparasi.[2] Amarga kadadéan iku, dhèwèké kélangan pagawéyan lan ninggal omah.[2] Prakara mau iku prakara pribadi, dhèwèké kemalingan, masarakat ngertiné iku mau skandhal sèks, nanging kanggo dhèwèké prakara iku mau dianggep dadi panyalahan privasi.[2] Dhèwèké dituding dadi wong jahat.[2] Dhèwèké ngakoni manawa kabèh wong lanang iku nyenengi sèks lan mbutuhaké rasa seneng karo wanita.[2]

Aktor serba bisa iki tau meranaké tokoh antagonis ing filem sekuèl "Batman Begins", "The Dark Knight" kang dirilis ing sasi Juli taun 2008.[1]

Cathetan sikil[besut | besut sumber]

  1. a b c d e f g h i j k biografi Edison Cheng diundhuh tanggal 18 Agustus 2011
  2. a b c d e f g berita Edison Chen diundhuh tanggal 18 Agustus 2011