Durgandini

Saka Wikipédia Jawa, bauwarna bébas abasa Jawa

Durgandini iku sawijining paraga wayang putri pambarep Prabu Basuketi, raja ing Wirata saka pramèswari Dèwi Yukti. Adhiné ya iku Durgandana sing banjur dadi raja ajejuluk Prabu Mastwapati.

Ing pedhalangan, Durgandini nandang lara amis sing banjur nyandhang sebutan Dewi Rara Amis. Supaya bisa mari saka larané, Prabu Basuketi akon Durgandini supaya dadi juru dhayung ing kali ngréwangi sapa waé. Ing kali iku Durgandini ketemu karo Parasara sing banjur bisa ngobati lan dadi bojoné. Seka jejodhoan iki antuk keturunan Wiyasa. Saliyané putra kandhung iki, Parasara lan Durgandini antuk anak turun saka lelara lan kapal sing pecah nalika bebarengan, Putra-putri iku ya iku:

Kejaba iku, Dewi Durgandini uga dadi ibu susu kanggo Bisma, putra Prabu Sentanu. Nalika Wiyasa digawa déning Parasara mulih ing pertapan, Durgandini banjur kadhaup déning Sentanu lan peputra Citragada (Wicitragada) lan Citrawirya (Wicitrawirya).