Djaduk Ferianto
| Djaduk Ferianto | |
|---|---|
 | |
| Pakaryan | aktor, pemusik |
| Bojo | Petra |
| Anak | Gusti Arirang Ratu Hening Présidhèn Déwa Gana Kandida Rani Nyaribunyi Rajane Tetabuhan |
| Wong tuwa | Bagong Kussudiardja |
Gregorius Djaduk Ferianto (lair ing Jogjakarta, 19 Juli 1964; umur 60 taun) iku aktor lan seniman musik Indonésia.[1] Djaduk iku anak kang pungkasan saka Bagong Kussudiardja, koréografer lan pelukis sénior Indonésia.[2] Ibuné Djaduk jenengé Soetiana.[2] Djaduk lair kanthi jeneng Guritno.[1] Jeneng iki diwènèhi saka pakliké.[1] Nanging bapaké ngganti jenengé dadi Djaduk kang tegesé unggul.[1]
Djaduk duwé pepénginan dadi dhalang.[1] Nalika cilik, Djaduk urip ing Tedjakusuman, Yogyakarta kang cerak karo kasenian.[1] Kaanan iki kang njurung kariré ing babagan musik lan téater.[1]
Wiwit taun 1972, Djaduk kerep nggarap ilustrasi musik sinétron, jingle iklan, panata musik pamentasan téater, lan tampil bareng klompoké ing pentas musik ing nagara manca.[1] Djaduk lan grup misuwur kanthi èksplorasi piranti-piranti lan barang-barang saéngga dadi instrumèn musiké.[1]
Djaduk tau nggawé golongan Rheze kang nalika taun 1978 tau dinobataké dadi Jawara I Musik Humor tingkat Nasional.[1] Saliyané iku, Djaduk uga nggawé Golongan Musik Kreatif Wathathitha.[1] Nalika taun 1995, Djaduk bareng karo Butet Kertaredjasa lan Purwanto nggawé Kelompok Kesenian Kua Etnika.[1] Nalika taun 1997, Djaduk ngolah musik kroncong kanthi nggawé Orkès Sinten Remen.[1]
Djaduk duwé hobi blanja ing pasar kang adol barang-barang bekas utawa kang diarani pasar loak.[1]
Cathetan sikil
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |