Bibimbap

Saka Wikipédia Jawa, bauwarna bébas abasa Jawa
Bibimbap

Bibimbap punika satunggal mangkok nasi putih kaliyan lauk wonten nginggilipun ingkang arupi sayuran, daging sapi, tigan utawi endhog, lan saos pesed gochujang. Kanthi harafiah Bibimbap punika ateges nasi campur ingkang asalipun saking tembung 비빔 (campur) dan 밥 (nasi utawi sega). Sadèrèngipun dipundhahar, nasi kaliyan lauk punika dipunudak supados campur dados satunggal. Bibimbap punika salah satunggaling menu saking Koréa ingkang kawéntar dumugi jaban rangkah. Bibimbap ugi saged dipunwastani nasi campur Koréa [1].

Bibimbap gadhah manéka warni variasi gumantung tlatah ingkang wonten ing Koréa. Kutha Jeonju ing Jeolla Utara punika kutha asaling variasi Bibimbap, ingkang paling kawentar ing Koréa kanthi nama Jeounju Bibimbap.

Wonten warna-warna téyori babagan wiwitaning Bibimbap, salah satunggaling wonten ingkang mastani bilih panganan punika dipundamel saking sesajèn ingkang kanggé arwah leluhur. Saksampunipun nglampahi jesa, tiyang-toyang sami mbagi panganan sesaji lan nyampuraken wonten ing mangkok. Wonten ugi panganan sejenis ingkang dipunwastani hoetjesabap utawi panganan sasampunipun jesa.

Bahan-bahan Bibimbap[besut | besut sumber]

Bahan-bahan kanggé damel Bibimbap inggih punika daging sapi, akar kembang lonceng doraji, bracken (gosari, jinising tuwuhan paku), cambah, zucchini, jamur shiitake, nasi, saus gochujang, kecap asin, lenga wijèn, bawang putih dipuncincang, godhong bawang ingkang dipuncincang, wiji wijen, lan lada ireng [2].

Cathetan suku[besut | besut sumber]

  1. ^ [1], Berita Koréa (dipun-akses tanggal 29 Oktober 2012).
  2. ^ [2], resep Bibimbap-wikibooks (dipun-akses tanggal 23 Oktober 2012).