Bathara Kuwéra

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Bathara Kuwéra
SAMA Kubera 1.jpg

Wonten agama Hindhu, Kuwera (Dewanagari: कुबेर,IASTKuvera, कुबेर) inggih punika déwa ingkang mimpin golongan bangsa yaksa utawi raksesa[1]. Nanging, piyambakipun langkung saé saha ingkang utama tinimbang raksesa sanèsipun. Kuwera gadhah gelar "bendahara para Déwa", saéngga piyambakipun ugi dipunsebat Déwa Kesugihan[1]. Bathara Kuwera inggih punika putranipun Sang Hyang Ismaya kaliyan Dewi Senggani, ingkang kaping tiga[2]. Piyambakipun satunggal rama kaliyan Rahwana, nanging béda ibu. Bathara Kuwera gadhah sanga sadulur, kados ta: Bathara Wungkuam, Bathara Tambora, Bathara Wrahaspati, Bathara Siwah, Bathara Surya, Bathara Candra, Bathara Yama/Yamadipati, Bathra Kamajaya dan Dewi Darmanasti[3]. Bathara Kuwera nggarwa Dewi Sumarekti, putrinipun Sang Hyang Caturnaka kaliyan Dewi Hira-putra Sang Hyang Heramaya[2]. Kuwera dados raja wonten ing Alengka, nggantosaken Malyawan, nanging kakuwasanipun dipunrebat déning Rahwana. Kuwera maringaken tahtanipun, amargi piyambakipun ngraos boten sanggup ngalahaken Rahwana[1].

Bathara Kuwera punika minangka pralambang saking kabekten saha kamanungsan. Tugasipun Bathara Kuwera punika paring pituduh, fatwa, pahala, kalsametan sarta pitulungan dhumateng masarakat wonten ing Arcapada. Wonten ing jaman Ramayana, panjenenganipun ‘’menitis’’ dados Brahmana Sutiksna-brahmana suci ing Redi Citrakuta/Kutarunggu. Brahmana Sutiksna punika ingkang paring wejangan ngelmi Asthabrata (piwulang kapamimpinan ingkang dipunilhami keagenganipun saha kasaimbanganipun wolung unsur alam) dhumateng Ramawijaya. Manawi wonten ing jaman Mahabharata, Bathara Kuwera ‘’nitis’’ dados Resi Lomosa, brahmana suci nagari Amarta ingkang sampun setya paring wejangan dhumateng Prabu Yudhistira. Resi Lomosa setya ngampingi dumugi ngembara wonten ing alas nalika panjenenganipun kalah ‘’taruan’’ dolanan dadu kaliyan kulawarga Korawa[2].

Sesarengan kaliyan Sang Hyang Cakra, putra Sang Hyang Manikmaya kaliyan Dewi Umarakti, Bathara Kuwera dipundadosaken minangka ‘’juru tulis’’ utawi ingkang nyerat kasil pirembagan para déwa ingkang nemtokaken lawan-lawan ingkang sami perang wonten ing perang Baharatayidha, antawisipun kulawarga Kurawa nglawan kulawarga Pandawa wonten ing Kurusetra[2].


Kang sadurungé
Malyawan
Raja Alengka Kang sawisé
Rahwana


Rujukan[besut | besut sumber]

  1. a b c [1](dipunundhuh tanggal 24 September 2012)
  2. a b c d [2](dipunundhuh tanggal 18 Oktober 2012)
  3. [3](dipunundhuh tanggal 18 Oktober 2012)