Basa Malayu Kelantan-Petani

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Malayu Kelantan-Petani
ภาษายาวี
بهاس جاوي
Bahasa Jawi
Dituturaké ing Malaysia, Thailand
Wilayah Kelantan, Petani, Narathiwat, Yala, Songkhla (Thailand), Merapoh (Payang), Besut lan Setiu (Terengganu), Baling (Kedah), Hulu Perak lan Grik (Perak)
Gunggung panutur 1 yuta ing Thailand
Rumpun basa Cithakan:Infobox Language/genetic2
Sistem tulisan Latin, Arab, Thailand
Kodhe basa
ISO 639-1 None
ISO 639-2
ISO 639-3 mfa (Petani)

Basa Malayu Kelantan-Petani, ing Thailand katelah Yawi (cara Thailand) utawa Jawi (cara Malayu Petani), lan ing Kelantan katelah baso Kelate, iku basa Malaya kang dicaturaké ing praja Kelantan ing Malaysia lan ing wewengkon candhaké ing provinsi-provinsi paling kidul Thailand. Basa iki minangka basa caturan kang baku dianggo wong-wong Malayu Thailand sarta minangka basantara golongan-golongan ètnik ing padésan Thailand sisih kidul. Sing nganggo basa iki ora mung wong Muslim, nanging uga wong non-Muslim lan wong Samsam. Wong Samsam iku golongan wong kang ngendikan cara Thailand nanging leluhuré caruban saka Malayu lan Thailand.

Basa Malayu Kelantan–Petani iku dhialèk basa Malayu kang ndhèwèki amarga kaanan géografis dhialèk iki kang kapencil. Laladan dhialèk iki kabètèng déning pagunungan dhuwur lan alas udan magung sarta déning Segara Cina Kidul saka jagat Malayu liyané. Ing Thailand, basa iki olèh prabawa basa Thailand. Ana sawatara varian basa iki kang isih padha silih sumurup nganti ora bisa dibédakaké endi panyatur kang saka Petani lan endi kang saka Kelantan.

Saking bédané basa Malayu Kelantan–Petani karo liyané, giyaran radhio ing basa Malayu Baku angèl dingertèni. Sing mbédakaké cara Kelantan karo cara Petani ya iku ing Thailand wong-wong Petani ora perlu sinau basa Malayu Baku. Mulané, cara Petani sithik kamungkinané olèh prabawa basa Malayu Baku, nanging gedhé kamungkinané olèh prabawa basa Thailand. Sawaliké ing Kelantan, basa Malayu Baku wajib disinau lumantar kurikulum sekolah. Basa iki béda saka basa Malayu Kedah lan basa Malayu Terengganu, nanging dhialèk loro iku caket gegayutané karo basa Malayu Kelantan-Petani iki.

Jeneng[besut | besut sumber]

Basa iki asring diarani phasa Yawi (cara Thailand: ภาษายาวี [pʰāːsǎː jāːwīː]) ing Thailand, dijupuk saka jeneng aksara Arab kang kanggo nulisaké basa Malayu, Jawi (Yawi: جاوي, Latin: Jawi, AFI: [dʑaˈwi]) kang salin werdi. In Thailand, basa iki uga diarani phasa Malayu Pattani (cara Thailand: ภาษามลายูปัตตานี [pʰāːsǎː mālāːjūː pàttāːnīː]), sairib karo jeneng ing basa Malayu Baku ya iku bahasa Malayu Patani (Jawi: بهاس ملايو ڤطاني, Latin: bahasa Melayu Patani, pangucap enggon-enggonan: [baˈsɔ ˈnːaju ˈtːaniŋ]). Dhialèk iki gampangé diarani bahasa Patani.

Basa Kelantan ing cara Malayu Baku diarani Bahasa Kelantan, déné ing cara Kelantan dhéwé diarani baso Kelate.

Rujukan[besut | besut sumber]