Aksara Latin

Saka Wikipédia Jawa, bauwarna bébas abasa Jawa

Aksara Latin iku aksara sing sepisanan dianggo déning wong Romawi nulisakaké basa Latin kira-kira abad kaping-7 sadurungé Masèhi. Wong Romawi ajar nulis saka wong-wong Etruria. Déné wong Etruska ajar saka wong Yunani. Aksara Etruska minangka adapatasi saka aksara Yunani.

Ing wektu iki aksara Latin iku aksara sing paling akèh dianggo ing donya kanggo nulisaké werna-werna basa, klebu basa Indonésia.

Wong Romawi mung mbutuhaké 23 aksara kanggo nulis basa Latin:

  • A B C D E F G H I K L M N O P Q R S T V X Y Z

Worg Romawi mung migunakaké aksara gedhé waé. Aksara cilik lagi tuwuh ing tembé buri, saka wangun kursif tulisan tangan.

Aksara I lan V, bisa dianggo minangka vokal lan konsonan. Déné aksara K, X, Y lan Z mung digunakaké kanggo nulis tembung-tembung silihan saka basa Yunani.


Sumber artikel punika saking kaca situs web: "https://jv.wikipedia.org/w/index.php?title=Aksara_Latin&oldid=1045049"